قال لنا اليوم عمكم الحاج كلوف محلل " الصريح اونلاين " وهو منفعل : نحب نسال اللي فارحانين بتنحية وزير الداخلية سي شرف الدين ...وحتى اللي موش فرحانين نحب نسالهم : هيا سيدي ها ان الوزير مشى ...ايه اشنوة اللي تحقق للشعب الكريم ...اشنوة ها الانجاز العظيم ...اشنوة اللي باش تستفيد بيه تونس ...10 سنين وزراء يمشيو ...ووزراء يجيو ...واحنا كل يوم نرجعو خطوة الى الوراء...كل يوم نخسرو اكثر ...كل يوم نغرقو اكثر ...يا ربي وقتاش باش تجي وجوهنا للضوء ...احنا المساكن ..اما هوما كيما يمشيو يجيو ديمة لاباس عليهم كروشهم قدامهم ...وضحكتهم على وجوهم...ومكاتبهم مليانة ...وابكي يا عين ...