ليل .. وعيون ولا غمضت مني الجفون .. أطيح من حفرة الليل بعيوني للحبتين السود .. في داخل عيونك .. *** يالله يا عونك .. ترحم حزين البين من جفوة احبابه *** تدرون .. إن العيون سجون وإني مشيت .. خدر الجفون ولما طرقت الباب .. ردوني الاحباب ما للعيون .. أبواب !! *** ناظرتها داله .. مسحوب من عيني رحماك للواله .. كافيني ما فيني *** وانكسر رمشي وعيني وجرت الخطوة .. سنيني أو كذا ظنيت !! *** أحرار .. أحرار .. في كل شي في كل شي .. إلا القدر وانا انكتب لي في القدر أشتاق لسجونك واجتاح .. بجنوني عيونك مشياً على الجفنين !! *** وقفت .. على بابك ومانابني .. نابك والقلب يتألم .. ومن غير ما اتكلم جيش من الرمشين .. دلوني لابوابك وأبوابكم .. شباك !! *** أشواك .. أشواك .. في داخل العينين أوجاعها رطبة .. ومن دونها أسوار ولو نبتعد مقدار ضعنا بظلام العين *** شفنا بوسط العين سحر(ن) لطيف اسباب ماصابنا مثله وطفل (ن) بخلف الباب بعيونه الخجلى يوايق لنا منه *** هديتني بالحب يا صانع اجروحي من عزتك بالقلب سافرت في روحي ... آهين أه(ن) من جروحي .. وآه (ن) على روحي *** لاحظنا في العينين ما نال بهجتنا وجهين .. وجه آدميين .. ووجه(ن) تقل أملاك ومن زود دهشتنا طحنا من الشباك ع السور والأشواك وغرينا بالمقدار وتهنا بظلام العين!! *** ماعاد شفنا شي ماعاد إلا ليل .. وصدى وأصوات تهمس في المدى صرّخت !! أنا احبك لين اسمعوا صوتي وهمّست لك حبك بسري ومكبوتي *** يا صاحبي الأحباب مااشوفهم عندك غبتوا مع اللي غاب وانت الهوى عندك *** وتعثرت رجلي هاوي بظلام العين وتبعثرت لاجلي استنجد الهاوين لين ارتطم قلبي وفتحت لك عيني واثري بظلام الليل !!