- عبّرت الجمعة 17 أفريل، كرونيكور الحوار التونسي خولة السليماني عن أسفها من تصريحات المستشارة القانونية لقناة الحوار التونسي سنية الدهماني التي اتهمتها بالتحيّل بسبب بيع مسلسل قلب الذيب للقناة الوطنية. وأكّدت خولة السليماني أنها لا تنكر فضل قناة الحوار التونسي عليها وأنها أعلمت ادارة القناة بالعرض الذي تلقته من ادارة القناة الوطنية بخصوص مسلسل قلب الذيب قبل بيعه نافية تحبّلها على الحوار التونسي. وفسرت السليماني بيعها للمسلسل بالتزاماتها مع الفنيين والتقنيين والممثلين وكافة الأطراف التي شاركت في انجاز المسلسل وقالت "كنت نجّم نخلّيه في الحوار التونسي ولا هوما يربحوا ولا أنا نربح باعتبار أن أزمة الكورونا جعلت المستشهرين متردّدين على وضع أموالهم. وقالت السليماني انها كانت تتمني أن ادارة الحوار التونسي تشجّعها على بيع المسلسل عوض اتهامها بالتحيّل مجدّدة تأكيدها عدم نكرانها فضل القناة عليها. وفي تدوينة على الأنستغرام كتبت خولة السليماني ... " الكلام إلي تقال الكل نحب نوضح حاجة إلي آنا عمري ما نكرت فضل قناة الحوار عليا و إلي هي عرفتني للناس و قربتني منهم و عمري لا نجم انحي من ذاكرتي ذكريات الخدمة و التعب مع زملائي و عايلتي الثانية . أما لازم الناس الكل تعرف إلي أنا كنت أمام خيار صعيب و مصيري و حطيت قدامي مصلحة مئات الناس اللي خدمو معاي و أمنو بالمشروع و عاونوني .. الفريق اللي خدم في المسلسل كبير برشة و كل فرد فيهم وراه عايلة و يعلم ربي بظروفو .. ما كنتش انانية و ضحيت ببلاصتي في القناة الي اعلمت ادارتها قبل اي قرار نهائي و تناقشت معاهاو خيرت المصلحة العامة متاع مئات العايلات اللي حقهم في رقبتي ، و منخسرش عليهم كلمة الله غالب و خدمنا بالخسارة و منجمش نخلصك و نقعدو في المحاكم . اليوم رضيت ضميري قدام ربي و قدام الناس الواثقة فيا الكل و ماهياش مزية ..هذا واجب .. شكرا للقناة الوطنية الي عطات ثقتها للمسلسل و عملت الي في مقدورها باش توفر للتونسي في ظروف كيما هكا مشاهدة طيبة في رمضان و مشروع فني يعتبر راقي و موش بالسوم الي يحكيو عليه بعض الصفحات المبتذلة الي يحبو يغلط الرأي العام. نشكر زادا الناس الكل الي وقفت معايا من زملائي الممثلين و الإعلاميين والتقنيين و حتى الي منعرفهمش.. المهم اليوم ضميري مرتاح خاطر الناس باش تخلص و اخيرا ربي يهدي و مسامحة اي حد قال فيا كلمة خايبة"
