بالله خوذوني على قد عقلي …ما اقرب اليوم بالامس …سي البجبوج يحوس في الاسواق …فرحة كبيرة والتجار يعرضون البضائع باسعار غير معقولة اصلا …يا سيدي بن سيدي طلعت الحكاية الكل واضحة الاسعار هي اسعار الرطل موش الكيلو …ووالله ما نعرف علاش تذكرت بورقيبة …شنوة وجه الشبه بين السبسي وبورقيبة ؟ لوجت ولوّجت ما لقيت حتي نقطة التقاء بيناتهم …مالا آش ذكرني في بورقيبة ؟ ظاهرلي حكاية الاسعار طلعت كيف حكاية الزيتون والمشكلة في المسؤولين الي يزينوها قدام الرئيس …..يا فرحتك يا سبسي شعبك في بحبوحة وعايش وشايخ وناصب والفضل لمسؤوليك العظام ودموعك الي سالت على المرا الي ما رجعت قفتها فارغة ؟؟ بجاه ربي آش تغيّر في هالبلاد ؟؟؟؟؟