يا والله حوال …سي المحسن المرزوق قالك نقصوا من الميزانية الي مخصصة للمعوزين وزيدوها لميزانية الامن والدفاع !!!!!!!!!!! بالله يا سي المرزوق وانت رازقك ربي خلقي قدّاش قعدت تفكّر في الفكرة العظيمة والفريدة ….يا ولدي براس امّك وين عايش ؟؟ في قصرك البلوري ؟ ماكش عايش في تونس ؟ نحي للفقراء واعطي للاغنياء ؟ يا سيدي انت شدفعت ؟ وامثالك آش دفعوا ؟ المزمّر دوما هو البهيم القصير الي الناس الكل تركب عليه ؟ …يا سيدي علاش ما قلتش إلى الاغنياء اكبر متهربين من الضرائب هوما الي يلزموا يدفعوا ويعاونوا عطاهم ربي ما فيها باش ينقصوا عشرة بالمائة من مصاريفهم الجانبية ( والفاهم يفهم) صدقوني الميزانية الي ما تتضاعف… وانت يا ولد مرزوق فيق وعيش مع شعبك راك ولد حومة وما تخليش السياسة تنسيك التاريخ