اي سيدي حلّو معايا هالمشكلة ياهو حتى الارهاب فيه عنصريّة هذا ولد الطبيب وهذا ولد الحفيانة على راي الزميلة منى لانه ابن طبيب تصبح الإرهابية الي معاه مجرد صديقة اما صديقة ولد الخفيانة فهي إرهابية خطيرة وقنبلة موقوتة …فقط على خاطرها بنت الحفيانة هي اما ولد الطبيب وصاحبتو فهما إرهابي متحضر وصديقة معينة فقط ..بجاه ربي قولولنا ياخي الارهاب فرق بين الطبيب والمحامي والعسكري والامني وخدام الجردة متاع الوتيل والمنظف في الشارع ؟ ما يفرقش يا سيدي حتى كيف يبدى الإرهابي ولد طبيب والا ولد وزير ….الارهاب اعمى ما يراش وما يفرقش اما احنا نراو مليح ونفرقو بين ولد الطبيب وولد الحفيانة …وبعد اسالول واجتمعوا واعملوا الموائد المستديرة والمثلثة والمربعة للبحث في اسباب الارهاب …يا سيدي هذا هو اول سبب في الارهاب الفرق بين ولد الطبيب وولد الحفيانة