لئن أثار الإعلان عن قرار الحجر الصحي الشامل لمدة 4 أيام وكذلك إجراءات أخرى مرافقة تشمل عددا من القطاعات كالمقاهي والمطاعم موجة من الارتياح لأن الهدف هو الحد من انتشار فيروس كورونا وكسر سلسلة العدوى، فإن القرارات قابلتها موجة من الاستياء باعتبارها ستضر بعدد من القطاعات المتضررة أصلا من الجائحة. وتلخّص هذه الصورة لمتصرف مقهى والمرفقة بتدوينة مطولة، الوضع بأكمله. وجاء في التدوينة "كي تبدأ عايش في بلاد، اللي يحكموا فيك، يفرضوا عليك باش تسكر، أما البنوك تقعد تعدي في الشيكات و الكمبيالات، ما تنجم تكون كان دولة عاهرة.. كي يفرضوا عليك باش تسكر، و ما يعوضولك حتى فرنك، لا انت، لا الخدامة متاعك، ما تنجم تكون كان دولة عاهرة كي تضحي معاهم، و البلاد تعمل صفر حالة، و من بعد تتحل الحدود و تاكل بعضها، ما تنجم تكون كان دولة عاهرة.. كي ترجع تخدم بعد حضر 3 شهور، و تهبط عليك، steg وsonede وcnss, و ما يستعرفولكش بالتقسيط، ما تنجم تكون كان دولة عاهرة.. كيف الدولة ما تلقاش حل للكيران والترينووات، عباد فوق بعضها دزني وندزك، وتجي للprivé, تفرض عليه التباعد والبيوع بالوقوف، ما تنجم تكون كان دولة عاهرة كي وصلنا للمرحلة الرابعة متاع الوباء، والمجلس والحكومة ما زالوا يتناقشوا على المناصب، و المرا عورة و الا لا، و يجوز أو لا يجوز، ما تنجم تكون كان دولة عاهرة كي يبدأ رئيسك من كوكب و حكومتو من كوكب آخر، ما تنجم تكون كان دولة عاهرة و باش نطولش عليكم برشا، كي يبدأ شعب قابل بهذا الكل، و مازال ينتخب في نفس الوجوه و نفسles profils عندو أكثر من عشرة سنين ما ينجم يكون كان شعب منافق.." وختم بالقول "ان شاء الله تمنعوا من الكورونا وتموتوا بالشر"..