علّق الخبير الاقتصادي معزّ الجودي، اليوم الجمعة 29 جويلية 2021، على القائمة المتداولة لرجال اعمال تونسيين نهبوا أموال البنوك العمومية والخاصة من خلال القروض. قال في تدوينة على حسابه الرسمي "فيسبوك": "إذا رجال الأعمال هاذم الكل خذاو القروض هاذم الكل من البنوك العمومية وما رجعوهمش، راهي البنوك هاذي فلست ليها مدة!!! القائمات هاذي قديمة و غير محينة و ما عندها حتي معني، ردو بالكم من الشعبوية المقيتة و من المغالطات!! أرقام غالطة وما تقابلش بعضها وغير واقعية بالمرة (7000 مليار دينار يعني تقريبا 70 مرة الناتج المحلي الخام متع تونس؟!! و 13000 مليار شنوا؟! دينار و لا مليم؟!)!!!
نوضحو شويا بربي: مجمع و لا رجل أعمال كيف ياخو قرض من عند بنك عمومي و لا خاص، فما أملاك في المقابل تترهن و تتعقل إذا ما إرجعش القرض. و المجامع و رجال الأعمال الموجودين في القوائم هاذي، برشا منهم عندهم شركات و مصانع و أراضي و عقارات ونزل قاعدة تخدم و إدور، و القروض تخلص علي أعوامavec des tableaux d'amortissement et des échéanciers. والبنك إلي ما يخلصش على قروض عطاهم ولا ما يعقلش، الغلطة منو و إدارة البنك هيا لازمها تتحاسب أولا! صحيح فما في السابق بعض رجال الأعمال المتنفذين إلي كانو يتمتعو بقروض بسهولة و بشروط تفاضلية، هاذم إذا ما رجعوش لازمهم يتحاسبو و تتحاسب معاهم إدارات البنوك إلي سلمت في فلوسها. أما هذا تجي تهبط قائمات من النوع هذا من غير تمحيص و لا تثبيت ولا تحيين، هذا ما هوش مقبول و إتسمي ثلب و تحريض و إتهام بالباطل و تنجم تضيع الثقة تماما في إقتصادنا و تنهار المنظومة برمتها!!"