وزارة التربية تُطلق خطّة وطنية شاملة لتحصين المؤسسات التربوية من العنف    تأجيل النظر في قضية مرفوعة ضد راشد الغنوشي الى 27 فيفري الجاري    المختار ذويب (لاعب سابق في النادي الصفاقسي) ...تربطنا علاقات وطيدة بالنادي الإفريقي والانتصار للأجدر    عميد البياطرة من الحمامات ..60 ٪ من الأمراض مصدرها الحيوان    مع الشروق : ليبيا والطريق إلى السلام    وصول دفعة من الحافلات إلى ميناء حلق الوادي ضمن صفقة دولية لاقتناء 461 حافلة جديدة    البطولة الوطنية المحترفة لكرة السلة (مرحلة التتويج): نتائج الدفعة الأولى لمباريات الجولة السادسة    بطولة القسم الوطني أ للكرة الطائرة (مرحلة التتويج): نتائج مباريات الجولة الثانية    أولا وأخيرا .. ...كذبة ما في الجبة الا الله    عاجل/:وزير التجارة يشرف على جلسة عمل حول آخر الاستعدادات لشهر رمضان..وهذه التفاصيل..    في مثل هذا اليوم من سنة 2008...ترجل أيقونة الفكر في تونس مصطفى الفارسي...    يهمّ كلّ تونسي: كيفاش تكنجل المواد الغذائية...معلومات لازمك تعرفها    مجموعة الترجي في دوري ابطال افريقيا.. التعادل يحسم لقاء بترو اتلتيكو وسيمبا    المركّب الصناعي الشعّال يعزّز قطيعه باقتناء 200 أنثى من الضأن البربري    منخفضات جوية عاصفة تضرب شرق المتوسط ابتداءً من 12 فيفري    النجمة الزهراء: تأجيل المؤتمر العلمي الدولي "رجال حول البارون"    سياحة طبيّة واستشفائية: تونس "نموذج افريقي" مؤهل لتصدير خبراته في مجال ملائم للتعاون جنوب-جنوب    انطلاق أشغال أول محطة لإنتاج الكهرباء بالطاقة الشمسية بجزيرة جربة    مدينة صفاقس تحتضن الصالون الوطني للتمويل 2026 من 9 الى 12 فيفري    عقد قرانه بطليقته في قسم الإنعاش: شنوّا الجديد في وضعية وحيد؟    عاجل/ السجن لعدل منفذ وزوجته من أجل هذه التهمة..    القصرين: تحذير صحي بعد تزايد إصابات داء الكلب الحيواني    توزر: حملة تبرّع بالدم بالسوق الأسبوعية بتوزر في إطار تعزيز المخزون الجهوي من الدم    الرياض تستثمر ملياري دولار لتطوير مطارين في حلب وتؤسس شركة طيران سورية-سعودية    العراق: استلام 2250 عنصرا من "داعش" من سوريا يحملون جنسيات مختلفة    بطولة الرابطة المحترفة الاولى (الجولة20-الدفعة1): النتائج و الترتيب    إيران تتوعد بالرد على أي هجوم من الولايات المتحدة بضرب قواعدها في المنطقة..#خير_عاجل    مُقلي ولّا في الفرن...مختصّة تحذّر التوانسة من البريك...علاش؟    بطاقة إيداع بالسجن في حقّ قاضٍ معزول    عميد البياطرة: ''اجعل غذاءك دواءك''    حي النصر : أحكام سجنية لصاحبة مركز تدليك و4 متهمين    باردو: عامل بمحطة غسيل سيارات ينسخ مفاتيح الحرفاء ثم يستولي على سياراتهم ويفككها    الفيديو أثار ضحة: صانعة محتوى تحاول الانتحار في بث مباشر..ما القصة؟!..    عاجل/ تنبيه لمتساكني هذه المناطق: لا تيار كهربائي غدا..    تونس: دعوة لتمكين ''المعاقين'' من جراية لا تقلّ عن ''السميغ''    وفد عن لجنة القطاعات الإنتاجية بمجلس الجهات والأقاليم يزور جندوبة    إيران تلوّح بتفعيل "الردع البحري"    تقارير اعلامية: فرنسا متورطة في اغتيال نجل القذافي بأمر من ماكرون    عاجل/ العثور على جثة امرأة بهذه المنطقة..    ويُغيّر إسمه: مغنّي راب بريطاني يعتنق الإسلام    تونس تتنفّس: السدود تمتلئ أكثر من 50% والمياه في تحسن مستمر!    الرابطة الأولى: برنامج مواجهات اليوم من الجولة الخامسة ذهابا    عاجل: ''ويكاند'' بطقس متقلّب    استراتيجيات الترجمة    ترامب يرفض الاعتذار عن منشوره بشأن أوباما وزوجته    نقابة الصحفيين التونسيين تنعي الصحفي الهاشمي نويرة    مستشفى شارل نيكول.. أول عملية استئصال رحم بالجراحة الروبوتية    إصدار جديد .. «تأمّلات» مجلة أدبية جديدة يصدرها بيت الرواية    بورتريه ... سيف الاسلام.. الشهيد الصّائم !    رمضان على التلفزة الوطنية: اكتشفوا السيرة النبوية بحلة درامية جديدة    عاجل/ مدينة العلوم تكشف موعد حلول شهر رمضان..    كرة القدم: جولتان فقط خلال رمضان، إليكم رزنامة المباريات الرسمية!    أيام قرطاج لفنون العرائس : جمهور غفير يُتابع عروض مسرح الهواة    تنضيفة رمضان : عادة ولاحالة نفسية ؟    عاجل : قبل كأس العالم 2026.. قرار صادم من مدرب المنتخب المغربي    "كلمات معينة" يرددها صاحب الشخصية القوية..تعرف عليها..    رمضان 2026: موسم كوميدي عربي متنوع يملأ الشاشات بالضحك    نزار شقرون ينال جائزة نجيب محفوظ للرواية ...من هو؟    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الكذب والبلادة
الكذب والبلادة نشر في الفجر نيوز يوم 28 - 02 - 2008

اليوم في تونس ما تسمع كان الكذب والبلادة والكذب هذايا موش كان من المواطن العادي إلي يحب يدبر راسو، لا بالعكس اليوم الكل يكذبو بداية من المسؤولين الكبار حتى لقناة تونس ضبعة، وبالمناسبة وكان باش اندخلو حديث في حديث هاك القناة إلي ما يتفرج فيها حد وكل مرة وين تجينا ورقة الضو يجي معاها معلوم الإذاعة والتلفزة بربي هكة موش العالم الكل يكذب على بعضو أحنا ما نتفرجو كان في الجزيرة خايف لمرة يكلمنا الشيخ متع قطر ويقول أدفعو ماكم تتفرجو في القناة متاعي.
نرجعو للكذب متاع المسؤولين وسامحوني كان طولت عليكم. هاك المرة نتفرج مع الوالد في برنامج عالتشغيل فز وزير قال تونس ما فيهاش بطالة وكل شاب يحب يخدم ينجم يندمج في المجتمع. الوزير حب يبلغ فكرة أنو الشباب سنك سنك (5/5) حد ما محتاج وبكلنا نسكنو في المنازه والمنارات ونركبو في التيس والتكسيات.
قام الوالد متغشش أنا في بالي اكتشف أنو الوزير يكذب ودار بيناتنا هالحوار حبيت ننقلهولكم كيما هو واحكموا وحدكم:
الوالد: وليدي أشبيك ما تحبش تخدم
آنا: ساكت
الوالد: حاقرني يا ولد الكلب
آنا: لا علاش بابا آش ثمة؟!! فين باش نخدم؟!!
الوالد: ماكش تسمع في السيد الوزير!!!
آنا: لا يا بابا راهو كذب في كذب
الوالد: ياخي انت تعرف أكثر من الوزير قاري قداش من عام ومكلفو الرئيس باش يحل المشاكل تقول انت يكذب!!!
آنا: (الحاصيلو بديت انسلك فيها وآنا خايف لا يقص عليا هاك الدينارين إلى يعطيهملي كل صباح) لا موش قصدي راهو الوزير هذا جديد ما في بالوش بينا أحنا جماعة المتريز ما انجمو نخدمو كان في التعليم وهو يحب يدبرلنا خدم في الشركات.
الوالد: اخدم في الشركات حتى لين تجي الخدمة الرسمية.
آنا: بالله أش باش نخدم آنا عندي متريز تاريخ يا خي في الشريكة باش انقري الموظفين عالحرب العالمية الثانية.
الوالد: زيد اتلغبج وقول الدولة ما تحبش الشباب.
آنا: باهي يا بابا هاني تو غدوة نمشي أنشوف الحكاية ونقدم مطلب وانشا الله يقبلوني.
الوالد: هانو رقم التليفون مقيد متع البرنامج قيدو واحرص على روحك راهو عمرك مشا. وآنا كيف العزوزا الى شدت سارق عرفت الي الرقم موش باش يرد وديما أوكيبي قيتو وقتلو.
آنا: هاني باش نطلبهم تو من تليفوني.
آنا نطلب وهو مشغول مشغول حتى وين كمل البرنامج
آنا: شفت بابا الرقم مشغول وتوّ تسكر.
الوالد: انت ديما مسكرها في وجهك يا ولدي احرك على روحك وشوف أمورك هو ولد حمد جارنا دخل يقري قالولي يعرف مسؤول مسو بحويجا ودبرلو خدمة شوف تلقاش انت حد يدخلك نعطوه حويجا وخليه يتوسطلك.
آنا: يا بابا هذي اسمها رشوة
الوالد: أش نعمل مالا نبقا انعاني فيك طول حياتي.
آنا: لا تعانينا لا شي هاني باش اندبر كنترا في ايطاليا وماشي على روحي
الوالد: برا المهم ترجع راجل
آنا: باهي بابا ما تتغشش راهي البلاد الكل مسكرا وحدّ ما مرتاح.
الحاصيلو ورطني هاك الوزير بالكذب متعو زعمة رصاتلي بايت البرا لو كان موش شوية تكمبيص. الله يهديك يا وزير و يهدي كل الوزرا الكذابة كيفك.
--------------------------
نقلا عن مدونة الساخر: http://tounes2008.blogspot.com
الاثنين، 25 فيفري 2008 .

انقر هنا لقراءة الخبر من مصدره.