رجال اللي هزّتهم غيرة في سيدي بوزيد هبّة من أجل البوعزيزي والشعب البطّال الله يرحم أمّ الجابتهم صدقوا في النشيد نموتوا و تونس تحيا حرّة والذّلّة مُحال شعب اللّي ركباته غصّة من ضيم الفُجّار مِ العسّة راهب وخايف ويشكّك في الجار يوم السابع من نوفمبر فرصة يا شطار فرحة للشّعب و ما تمّت كلّ شيء انهار المسلم متهوم بدينه قالوا ارهابي اجهار تجفيف الديّن وتهجينه مهنة لبو برطال الشّين داير في شعبه روينة يكذب عَالشّباب تونس ولّت كِالهجّالة اليتامى عَالباب النّاس هجّت ولّت عَ الوالة شباب وشيّاب حرّاقة ْبحر و مذبالة حالتهم زيّ السّياب من بنزرت لبرج الخضرا ماكنها الرُّهاب حكموها كمشة قطعية هاذي سنين طوال الرديّف هبّت عامٍ اوّل وتبعت بنقردان اللّي ضحّوا انشاءالله ما خابوا في عالي الاكوان واللي هبّوا رجال فحولة من نسل العربان اذا غضبوا ايصولوا صولة رجالة ونسوان رقابي و مكناسي و مزّوني و دار بوزيّان إذا هبّت تونس مجمولة تسّقّم لحوال لا يبقى غول و لا غولة و لا رهبة جفّال حُرقة في جاشي مشعولة انطفّيها بالقول في الغربة امجاهد بلساني عل ْقول الرسول ابوجعفرالعويني