أعدّه: ولد الدار الى حدود 17 ديسمبر كان كل الشعب التونسي سيرحب لو طرح اسم محمد جغام لخلافة بن علي - سفيان بن حميدة قناة نسمة – يا سفيان يا بن حميدة إعمل عقلك شوي الشعب التونسي خلع طوفان وغدير وفيضانات وتسونامي بن علي والطرابلسية زعمة باش تحكمو "جغمة" وإلا كيما قال المثل "ذيل الكلب..."
سفيان بن حميدة كان يستكتبه البوليس السياسي .. وقام بثورة على نقابة الصحافيين واليوم اصبح ثوريا - سهام بن سدرين قناة التونسية- يا ولادي الراجل يحبّ الثورة وما لقاش ليها باش دزوا عليه النح خلي يشفي غليلو حتى في الثورة المضادة، ثمّ يا سهام يا أختي آخي نخرّجوا الكلّ للثورة رجال ونساء وانخلّوا الديار فارغة والأولاد وحدهم، ما هو ثمّة شكون خرج.. وثمّة شكون قعد يبدّل في الكوش ويسخن في البيبرو.
موش معقول واحد يخلي خدمتو ويمشي يصلي ..يلزم نتفاهمو الكل انو الدين لله والوطن للجميع - سفيان بن حميدة قناة نسمة - هذا الكلام كان يمكن أن يُحاكم سفيان بموجبه لكن الحصانة التي يتمتع بها من وزارة التراث والحفاظ على البيئة تحميه من ذلك ..لأنّ هذا النوع من البشر مهدد بالإنقراض، والدولة مستعدة أن تدفع "شقى عمرها" من أجل الحفاظ عليه.
انا بربرية ابا عن جد موش باش ننكر في اصلي - ريم السعيدي قناة نسمة - والله إللي نكر في لغة محمد صلى الله عليه وسلم ولغة أهل الجنة ومشى يتمسّح بلهجة جرجير وكسيلة هذا نقولولو لك لهجتك ولنا لغتنا ونتمنولو حظ سعيد ونزيدو نهدولو فيلم النوري بوزيد "ريح السد.."
قناة نسمة تروج للإباحية والجنس - جريدة الشروق – جريدة الشروق تعبت جملة وأمرها يحير.. هيمالا لاش باش تروج ؟؟؟ الشروق كيف تستغرب من هذا الامر كاني استغربت من بار يسكروا فيه وإلا ديسكو يرقصوا فيه وإلا نادي يقمروا فيه.. كل حاجة عندها وظيفتها.. رانا في عصر الإختصاص ها شروق!!!!...
قدم سكرتير تحرير الموقف وثيقة للشروق تثبت علاقات مالك قناة نسمة من رجال أعمال معروفون بتمويلهم للاستيطان في إسرائيل، وجاء في الوثيقة التي تتكون من صفحتين اعتزاز طارق بن عمار بعلاقاته في مجال المال والأعمال مع روبرت مردوخ ووصفه بأنه واحد من أذكى وأمهر رجال الأعمال - جريدة الوطن – واش تترقبوا من قناة ممولها يشجع على تمويل.. ومديرها يشجع على التمييل.. وهوما الإثنين النفس لا مع العرف الكبير لأنّهم يعرفوه مرّ ويدوخ.
أعلنت قناة نسمة تي في عبر برنامج ناس نسمة اليوم السبت نقلها و بصفة حصرية لجنازة ملك البوب مايكل جاكسون مباشرة يوم الثلاثاء - منتديات سات – هذا ويدور تنافس محموم بين هذه القناة وقناة أمريكية مشهورة حول حقوق البث لأربعينية الفقيد
تصوير " حصة 30 ديسمبر" تم بطلب من وزير الاتصال أسامة الرمضاني، الذي كان يرغب في تقديم برنامج يتحدث عن الوضع بسيدي بوزيد وفي الآن ذاته يضرب من خلاله قناتي “الجزيرة”و “فرانس 24′′، - نبيل القروي مدير نسمة - الصراحة راحة، صحيت نبيل إذًا الرمضاني قليكم اضربوا الجزيرة وفرنسا 24 باهي برشا زيد تو قلينا يا بحبوح اشكون إللى قليكم اضربوا الهوية والثوابت وسرّك في بير ورأس كسيلة والكاهنة ما يخرج لحد
نشر فيديو على الفاسبووك صرح خلاله نبيل القروي بان “بن علي أبونا...” - منتديات - إذا تفهمنا كل من يتهجّم على القروي فإنّه وبعد هذا الخبر لم يعد ممكنا أن نعذر أبناء المهجّرين قصرا إبّان العقدين السابقين إذا تهجّموا عليه ويجب أن يراعوا الحالة النفسية التي يمرّ بها، بما أنّ والده مهجّر ونبيل يعدّ اليوم من أبناء المهجّرين.. وحتى واحد ما عندو الحق باش يسهل نبيل أمو نعيمة وإلا ليلى.
