أفرجت السلطات التونسية اليوم الجمعة عن نجاة بن علي شقيقة الرئيس المخلوع زين العابدين بن علي التي اعتقلتها مساء الخميس عندما كانت مختبئة في أحد المنازل في مدينة سوسةجنوب شرق تونس العاصمة - كلمة تونس- خالتي نجاة نعم الناس، وقبل هذا الكل القضاء عمل فينا المليح كيف سيبها؟؟..مالا تحبوا الناس تقول الثورة التونسية تشدّ في النساء وأكثر من هذا خالتي نجاة الناس الكل تحكي عليها كان بالخير الحق بنت الناس من غير الزوز صوردي اللي هزتهم كيفها كي غيرها ما سمعنا عليها كان الخير والقضاء الله يرحم والديه زاد قدم ليها خدمة أخرى فقد حررها من الاختفاء وما يعنيه من خوف ومعاناة.
دائرة الاتهام بمحكمة الاستئناف بتونس العاصمة أصدرت قرارا يقضي بالإفراج عن عماد اللطيف" ابن نعيمة بن علي شقيقة الرئيس المخلوع من سجن الإيقاف. – تونيزيا- أول حاجة الطفل هذا يتيم، والثورة جت باش ترعى الأيتام مشي باش تذعرهم، ثاني حاجة سبق وشفنا مناقب خالتو وأكيد الطفل إذا كان ما خذاش الياسر من مناقب خالتو لابد ياخذ الشوي.
الافراج عن البشير التكاري وزير العدل السابق في نظام بن علي -الحوار نت - التكاري..التكاري..التكاري.. واش بيه التكاري؟؟ رجل عمل عملا فأتقنه!.. وضع فيه بن علي ثقته فكان عند حسن الظنّ!..غريبة هذية تحبوه يخون الأمانة ويعضّ اليدين الاي تمدّت ليه.. وسي التكاري الناس الكلّ تعرفوا يلعب بكل شيء إلا بطاعة ولي الأمر ما يهموش في الأشخاص، بن علي بن أليعازر هتلر هولاكو..المهم ولي أمر وبيده مقاليد السلطة.
الافراج عن سيف الطرابلسي ابن شقيق ليلى بن علي - الحوار نت- تو طفل صغير زادة نتبعو فيه؟؟ تي ماو طيش متاع صغار، تو يكبر ويعرّس ويبطّل الدخان والنفة والشمّة ويولي راجل وتولي عندو مسؤولية ويجبد التفتوفة إلى مخباها ويرجع مجد خالتو وعماموا.. وقولوا قالها!!!!!
الافراج عن سيدة العقربي - مواقع - أخطر شيء هو نكران الجميل!! ما شفتوش ربيع الكرة التونسية اللي صنعو حمادي العقربي!... وما شفتوش سمير العقربي وثروة الألحان اللي قدمها للموسيقى التونسية! وراهو لقب العقربي هذا لقب عريق نسيتوا كل شيء وكبشتوا في سيدة وهي مسكينة ما عملت شيء، وإذا كان باش تتحدثوا على بعض الديار المعزولة اللي خربتها وبعض العائلات الهامشية اللي شردتها واش عملت هي قدام دراكولا والغولة والعجوز الشمطاء والساحرة الشريرة..
ليلى بن علي: سأحرق تونس بمن فيه اذا لم تفرجوا عن شقيقي عماد....-الشروق- طبعا هذية فذلكة واضحة، وهذا خبر المفروض أن لا يتم تناقله لأنه ساذج ويفتقر إلى أبسط قواعد المعقول ولا يقوله حتى معتوه ناهيك عن العاقل لأنو مثماش حتى واحد في العالم يحرق رزقوا خاصة وأن كل المؤشرات تقول أنّه قضية وقت وبعدها ستعود الأشياء إلى نصابها وتسلم الحكومة المؤقتة الأمانة لمن ائتمنها عليها وينام السيد السبسي قرير العين بعد طول عمر وحسن عمل!.. مصدر الخبر : الحو ا ر نت a href="http://www.facebook.com/sharer.php?u=http://alhiwar.net/ShowNews.php?Tnd=20656&t= بالسّواك الحارّ -185- سياسة "الافراجات" الجماعية &src=sp" onclick="NewWindow(this.href,'name','600','400','no');return false"
