دعت اليوم الخميس الحقوقية نزيهة رجيبة المعروفة بأم زياد، قناة نسمة إلى استضافة حافظ قائد السبسي نجل رئيس حركة نداء تونس في برنامج حواري للتّعرف على "عبقريّته"، لاسيما بعد تعيينه منسّقا عاما لحركة نداء تونس. وقد كتبت أم زياد بنبرة من السخرية على صفحتها بالفايسبوك: توّه الوجوه البارزة في نداء تونس هوما سي الباجي و سي حافظ ولدو وسي محمّد الغرياني اللّي ما زال كي خرج من السّجن و الحمد للّه و طلع بريء من كلّ التّهم المغرضة ………….سي قايد السّبسي وسي الغرياني نعرفوهم مليح و جرّبناهم في حكم تونس …لكن سي قايد السّبسي الابن وجه جديد ما سبقلناش تشرّفنا بمعرفتو و اطّلعنا على العبقرية اللّي خلّات والدو يتجاوز الشّخصيات الكبيرة الكل ويحطّو أكبر مسؤول عالحزب بعدو هو طبعا، عاد انا بصيفتي مواطنة بسيطة تحب تاخذ فكرة على النّاس اللّي مش يحكمو غدوة ….نقترح على "نسمة " قناة "نداء تونس باش تستضيفلنا النّجل الكريم خلّي نشوفوه ونسمعو منطقو و نفهمو أفكارو ….ويا ريت يقول لنا فرد مرّة شنية برامج حزبو بخلاف التّخويف مالخوانجيّة…. …و السّلام
