دبارتنا لليوم من شهر رمضان الفضيل: حلالم، روز ازعر، مرمز ، سلاطة مشوية و بريك صوابع وللسهرية كعبات fondant chamia noisette ياسر بنان و ساهل تحضيرهم و كان تحبو تعملو كيفنا إليكم الوصفة المكونات شامية بالفواكه الجافة kollyoum 100 غ زبدة ذايبة 100 غ عجينة بوفريوة 3 بيضات kollyoum 1 مغرفة كبيرة سكر 1 مغرفة كبيرة فارينة 4 قوالب fondant طريقة التحضير في وعاء نحطو الزبدة، عجينة البوفريوة، نخلطوهم مليح و نزيدوهم البيض و السكر و نركضوهم بركاض يدوي بالباهي و نضيفولهم شامية بالفواكه الجافة kollyoum حسب الرغبة و الفارينة و نكملو نخلطو حتى يمتزجو المكونات مليح ندهنو قوالب الfondant بالزبدة و نصبو الخليط متاعنا و ندخلوهم للفور مسخن من قبل على 180° لمدة 10 دق ثم نزينوهم حسب الرغبة و نقدموهم و صحة و بالشفاء