غزّة أوّل غزّة ثاني غزّة ثالث غزّة أوّل غزّة هي الكرامة والشرف والعزّة وثاني غزّة العرب ما يعرفوا الدق كان بالغزّة وثالث غزّة ناس تفهم باللمزّة وناس تفهم باللّزة حرب أوّل حرب وثاني حرب وثالث حرب أوّل حرب إسرائيل تتسّبب عليها سبب وثاني حرب في الريفيون ساهرين العرب وثالث حرب ناس تحارب بالسلام وناس بقبضة الغضب سلام أوّل سلام وثاني سلام وثالث سلام أوّل سلام اللّي يجي بالقوة موش بالكلام وثاني سلام اللي يجي بالسّلاح موش بالأحلام وثالث سلام قولو من غزّة على العرب السلام الكلمة أوّل عام وثاني عام وثالث عام أوّل عام إنشاء اللّه ما يبقى واحد مضام وثاني عام انشاء اللّه يعمّ عالدنيا السّلام وثالث عام موش كلّ من سوّد وجهو ولّى فحام أوّل كلمة وثاني كلمة وثالث كلمة أوّل كلمة العام صار يتعدّى كيف الحلمة وثاني كلمة وفى العيد ووفات معاه اللّحمة وثالث كلمة نخزرو لغيرنا نقولو أحنا في نعمة أوّل جريدة وثاني جريدة وثالث جريدة أوّل جريدة اللي تجيب الأخبار ديما جديدة وثاني جريدة اللّي كلامها ديما يجرح الكبيدة وثالث جريدة اللّي أخبارها أقدم من القديدة للتعليق على هذا الموضوع: