في تدوينة على صفحته الرسمية على الفيسبوك،توجه رضا شرف الدين الرئيس المنسحب من رئاسة النجم الساحلي برسالة مؤثرة لجماهير الفريق،أكد فيها بأنه وقع اخراج تصريحاته من مفهومها،مشيرا إلى أنه لا يمكن أن يشتم جماهير ناديه العزيزة وأن كلامه كان موجها لفئة أضرت بتصرفاتها الفريق،وفيما يلي النص الكامل للتدوينة: "رسالة لجمهور النجم العزيز: النجمة الساحلية هي حكاية بدأت من عام 25, حكاية مهيش بش توفى، حكاية كلها نجاحات، حكاية تجمع كل الأجيال، حكاية اشعاع وتاريخ، حكاية عشق وغيرة. النجمة الساحلية برجالها ونساءها , بصغارها و كبارها , كلنا واقفين مع النجمة الي هي عائلتنا لتلمنا و تزهينا وتفرحنا . و اني نعتبر روحي ولد العائلة و ولد جمهور و شبابي كل عديتو بين جماهير ونعرف جمهور شنوة يحس وقت نتائج متمشيش نعرف حسرة وغصة واني ما معمري منسب واحد من عائلتي و ليوم حبيت نرد على ناس الي حبت تخرج تصريحي عن مفهموم متاعو وتحب تصطاد في ماء عكر . اني نعتبر انوا لكسر ويفسد و يعمل شغب هو عدو للجمعية لان ولد الجمعية معمرو ميفسد , ولد جمعية معمرو ميعمل شغب , ولد جمعية ميسبش جمعيتو و ملاعبيتوا , ولد جمعية معمروا ميتسبب في عقوبات لفريقوا , ولد جمعية يبقى يشجع لاخر دقيقة , كلامي موجه للأطراف الي تحب تهدم تاريخ هذا , الي تحب تفسد و تكسر , اني واعوذ بالله من كلمة اني موش بش نجي ليوم نسب جمهورنا لعزيز , لكن وقت نشوف ناس بتصرفاتها تضر في اسم نجم عالي وقتها لزمني ندخل و ندافع عليه وحتى كان كلامي يخرج من سياقه اما جمهور نجم عزيز على قلبي و انا مولود في وسط هذا الجمهور ومستحيل نسب عايلتي و أصدقائي وإخوتي. النجم فوق الجميع و عاش النجم الساحلي."