دوّنت كاتبة الدولة السابقة للشباب فاتن قلال تعليقا على إثر «تصنيف تونس من قبل الاتحاد الأوروبي ضمن القائمة السوداء لدول «الملاذات الضريبية». وفي ما يلي ما دونته قلال: « تصنيف تونس هذا هو مهزلة باتم معنى الكلمة و دليل على فشل الدبلوماسية التونسية اولا في التواصل و ثانيا في فرض الاحترام خاصة في ضل الضغط الضريبي المسلط على اقتصادنا و انو بلدان أخرى تعد فعليا ضمن هذا التصنيف لم تصدر ضمن القائمة بتعلة أنها بلدان صديقة او عضو في الاتحاد الأوروبي. في الحقيقة تونس في طريقها نحو الديمقراطية و الاستقلالية ما عندهاش أصدقاء لا في الغرب لا في الشرق و لتو لا فهمنا الي ما نجمو نعملو كان على رواحنا. و في كل الأحوال الإعانات الي يساومو فينا بيهم ما نعرفوش حتى نصرفوهم بطريقة مفيدة و لذا لا فائدة أنا نطيحو من رواحنا أكثر. سياسة «عاونونا بجاه ربي رانا ناس ملاح» فاشلة و وقيت باش نتخلاو عليها. و للناس الي تحب تقنعنا الي هي تواصل لسياسة بورقيبة ما عليهم كان يتخيلو شنو كان يعمل في وضعية كيف هاذي و يعملو على فرض الاحترام. مع الاسف في غياب رؤية للبلاد لا نجمو ننجحو لا اقتصاديا لا اجتماعيا و لا ديبلوماسيا. وقيت باش نقصو مالعرك على الكراسي و ناقفو لبلادنا.»