راهو الحقل الذي يتحدثون عنه في ساحل المنستير وقالوا ان شركة تونسية خاصة تستغله دون علم الدولة منذ عام 2009 ( ثمة جماعة اخرين زادوا زينو الخبر اكثر قالوا منذ 2011 باش يعملو غمزة للي ولاو يحكموا وقتها) المهم هذا الحقل ما بداش ينتج حتى برميل مازال!!!! يعني الدولة كيف فطنت إنّو صاحب الرخصة يلزم يعج حوايجو ويمشي خاطر رخصته وفات عام 2009 اي ما هو تتفضل تأخذ الحقل وتطالب الشركة بالتعويض امام المحاكم ان ثبت ضرر للدولة. اش مدخل وزير الطاقة الي شد الوزارة في أوت 2016؟ ثم هذا… نقاش قانوني هل الرخصة توفى عام 2009 او عام 2029 نتبع مدتها المنصوص عليها وقت إصدار الرخصة عام 1979 والي هي خمسين عاما او نتبع القانون الجديد الصادر عام 99 والي حدد اجل الاستغلال بثلاثين عاما ابسط رجل قانون يعرف يحل مشكلة تنازع القوانين في الزمان. وزيد فوق من هذا القانون متاع 99 يمنح لصاحب الترخيص حق طلب التمديد، وزيد القانون يمنحه حق الاولوية لو قامت الدولة بمنح حق الانتاج في ذلك الحقل لطرف اخر. يعني هذا ملف إعلامي لا غير سيفتح شاهية جماعة وينو البترول وجماعة تونس تسبح فوق اكبر مخزون بترول في العالم. وجماعة الي فرنسا تنهب في البترول بلاش وشيء ما يدخل لميزانية الدولة .... موش هاذم ملفات الفساد الحقيقية التي دمرت اقتصاد البلاد ؟