رغم إلي الوقت موش متاع ضحك أما كيما يقولوها العزيز ربي، وكان لقيت الزهو و الطرب لا تبدلوا لا بشقاء ولا بتعب...الحكاية أو البشارة وما فيها أنو من هنا لقدام بش تسمعوا ببرشة عباد مرشحين رواحهم للرئاسة وانا متاكد الي في قرارة انفسهم يعتبروا أنهم جديرين بالمنصب قبل غيرهم، ويقولوا اشبيه شنوة ناقصني بش نشد رئيس وما تعرفش عليها بالكشي تخطف وحتى كان ما خطفتش عالاقل ناخوا شهرة وننضم لنادي الرؤساء المحتملين للبلاد... في الحقيقة من حق كل واحد باش يحلم كيما يحب، ولكن يبقى من حقنا احنا زادة باش نضحكوا كيما نحبوا مع الإحترام الكامل لكل الاشخاص، ولكل المترشحين وكيما قالوا بالكشي تخطف ودز تخطف... ناشط سياسي مستقل «موش ناوي يرشح روحو لحتى انتخابات»...