توجه رئيس «جمعية السلم والنماء» اسكندر الرقيق عبر صفحته الفايسبوكية برسالة مفتوحة إلى أمين عام الاتحاد العام التونسي للشغل حسين العباسي تميزت بأسلوب شعري سجعي وجاءت تحت عنوان :» أرجوك فيق... المطالبة بالزيادات لا تليق..». ويقول اسكندر الرقيق في هذا الإصدار الفايسبوكي باللهجة العامية ما يلي :»يا سي حسين العباسي...إسكندر الرقيق يقول لك أرجوك فيق...فيق على روحك يا راجل فيق...حن على تونس، وصير بها أحسن شفيق...راهي تونس أصبحت لا تتحمل ولا تطيق...إضرابات واعتصامات ونعيق وزعيق...ومطالب عشوائية... وزيد الماء زيد الدقيق...راكم عملتوا العار وللتنمية والاقتصاد صرتوا أكبر معيق...وانتقال تونس الديمقراطي ماشي تحيدوه عن الطريق...وفي الفوضى والإفلاس ماش تهزونا، ووقتها لا ينفع لا شهيق ولا نهيق... بالله كفاكم شعبوية وتنوفيق..حشاد ودلي وعاشور والتليلي يقولولك راك بعدت ياسر على الطريق ... وصرت رهينة عصابة تلعب بيك يسار في يسار وخالفت روح الفريق...ارجع للحق يا سي حسين، وخلي الوطنية في قلبك تفيق..و»تشينزو أبي» رئيس الوزراء الياباني يقول لك راهو الاقتصاد عمرو ما كان زيد الماء زيد الدقيق...راهي الخلطة تولي ماسطة لاسطة وتشوليق...كفانا إرهاب أبو عياض وجماعتو ، فهو أكبر تهديد وأكبر معيق ...كفانا الفساد والاستبداد التجمعي اللي يحب يرجع من الشباك وهو اكبر خطر مغلف بالتنوفيق ...كفر عن سكوتك وقت بن علي... وكن للثورة أكبر صديق... وبالقطاع الخاص أحسن رفيق ...فهو الوحيد القادر باش يخلق مواطن الشغل في كل مكان وفي كل طريق ولكل فريق...وهذا ما قالهولك خوك في الوطن والمواطنة اسكندر الرقيق ... فأرجوك فيق...».
