- استنكر النائب عن ائتلاف الكرامة عبد اللطيف العلوي في تدوينة نشرها على صفحته الرسمية بالفايسبوك مطالبة رئيسة الحزب الدستوري الحر عبير موسي بمسائلة رئيس البرلمان راشد الغنوشي اثر اتصاله برئيس مجلس الدولة الليبي خالد المشري. وقال عبد اللطيف العلوي " الحكاية اللّي طلعت بيها اليوم، يلزم نساءلوا الغنوشي على خاطر يتخابر مع خالد المشري متع إخوان ليبيا وقتلّي راشد الغنوشي تقابل حتّى مع عقيلة صالح متع حفتر ووقتلي قيس سعيد بيدو تقابل معاه سي المشري هذا وحتى محمد الناصر تقابل معاه قبلهم الزوز وبحضور رؤساء الكتل بما فيهم الجبهة الشّعبية يا بوقلب". وتابع عبد اللطيف العلوي " إعلام السّقاطة أصبح يخدم خمّاس عند الزّغراطةّ. وفي ما يلي التدوينة كاملة : صحّه شريبتكم. إعلام السّقاطه، أصبح يخدم خمّاس عند الزّغراطة، هي تعرف آش تعمل بالضّبط، توفّر له كلّ أسبوع الخلطة الّتي سيشتغل عليها أسبوعا كاملا ليلا نهارا، كلّ أسبوع وفي كلّ مكتب مجلس ترمي حكاية من الحيط، باش تخدم بيها جمعه كاملة وتعمل بيها مؤتمر صحفيّ ويتلمّوا حولها الميليشيات الإعلامية متع قناة الكذا وإذاعة كذا وجريدة كذا، وباش صورتها تنزل على غلاف الصفحات متع جرائد مسح البلّور ولفّ السندويتشات. الحكاية اللّي طلعت بيها اليوم، يلزم نساءلوا الغنوشي على خاطر يتخابر مع خالد المشري متع إخوان ليبيا وقتلّي راشد الغنوشي تقابل حتّى مع عقيلة صالح متع حفتر ووقتلي قيس سعيد بيدو تقابل معاه سي المشري هذا وحتى محمد الناصر تقابل معاه قبلهم الزوز وبحضور رؤساء الكتل بما فيهم الجبهة الشّعبية يا بوقلب! تجي اليوم بالطبيعة ترمي حكاية للمكتب، نحبّ نعملوا جلسة مساءلة لرئيس المجلس، وقتلّي الطّلب هذا في حدّ ذاتو مخالف للنّظام الداخلي، لأنّه ليس من صلاحيات المكتب أن يقرّر أي شيء من هذا النّوع، اللّي يحبّ يسائل رئيس المجلس أو أحد نائبيه ما عليه كان يقدّم لائحة ويجيب الإمضاءات المطلوبة ويتفضّل يعملّه جلسة مسائلة وسحب ثقة. هذا الكلّ لواه؟؟ باش تلقى ما تخدم جمعه كاملة وتخدّم معاها إعلام السّقاطه، وتلقى باش تسبّ مكتب المجلس وتقول راهم بكلّهم ولاّوا خوانجيّة وأنا وحدي اللّي راسي براس الغنّوشي وأنا اللّي نحمي في الدولة والسيادة والقرع بوطزّينة. طبعا إعلام السقاطه، اليوم ماشافش مبادرات ائتلاف الكرامة اللّي تعدّات، ماشاف كان القنابل الفراغية متع للاّته، وبدا يسخّن معاها من قبل حتّى ما ينعقد المجلس، وتكفّلت مواقع شمس وموزاييك ودرا شنوة بالعناوين العريضة المثيرة كأنّهت إعلان حرب: "عبير تطالب بمساءلة الغنوشي وتهدد باللجوء إلى القضاء في صورة عدم الاستجابة!" نحبّ نقلّكم يا توانسة أنّه بلحقّ المعركة طويلة، وأنّه تركيبة الجهل والفساد والعمالة والتّآمر على كلّ ما جاءت به ثورة 17 ديسمبر أكبر وأعقد ملّي تتصوّروا! لكن نحبّ نقلّكم زاده أنّنا والله لن نسلّم، ولن تعود منظومة الاستبداد والقوادة ودولة الفساد واستحمار الشّعب إلاّ على جثثنا!! هانا فايقين بيكم، والحساب تحت التّوتة.
