عاد البرنامج التلفزي"كلام الناس" الذي يبث على قناة "الحوار التونسي" في موسم جديد من تنشيط الإعلامي الياس الغربي وبحضور كل من لطفي العماري وشكيب الدرويش وانضمت إليهما مايا القصوري. و شهدت الحلقة الأولى تشنّجا بين شكيب الدرويش و ضيف الحلقة مقداد السهيلي، و ردّا على من لامه على الحضور في البرنامج ردّ نقيب الموسيقيين بتدوينة ساخرة : بالنسبة لبرشة ناس يلوموا علي كيفاش نمشي لقناة الحوار نحب نقلهم عندكم مليار حق ... واللي جابتو ساقيه العصا ليه ... ونستاهل اللي صارلي ... كيما قال الشاعر الصغير أولاد أحمد في أول قصيدة كتبها كي جاء من سيدي بوزيد واستقر في العاصمة عنوانها أشهد أنني نعجة ... صحيح ... على خاطر كلمني لطفي العماري وقتلو راني عندي موقف من هاك القناة ومانحبش نمشيلها جملة ... ولحلح بي وقاللي تجي مبجل مكرم وانت فنان كبير وعلى عيني وراسي ... الحاصيلو عملي هاك الحكايات الكل ومن بعد ماكم شفتو كي دار في الحياصة مع هاك الزويز العباقرة اللي معاه بين قوسين بنت مايا تخدم في وزارة الثقافة تتحورك مع الوزير تفكرتها الحكاية من بعد ... قداش طلعت نية وبوهالي ... توة هكة ياسي مقداد ماكش باش تفيق على روحك وتدخل ببوشتك وتسيب عليك النقابة والجمعية ودار الموسيقي والمتحف والابداع والوزارة والمهرجانات وترتاح من مناظرهم جملة ؟ إن شاء الله هاذي طريحة التوبة .
