- ندّد الثلاثاء 27 أكتوبر، رئيس كتلة قلب تونس بالبرلمان أسامة الخليفي، بالاتهامات الصادرة عن نواب التيار الديمقراطي وأساسا سامية عبّو بالتدليس والتزوير، في حق لجنة الفرز بالبرلمان التي تضم نوابا من كتل مختلفة. وفي مداخلته خلال الجلسة العامة قال الخليفي "أندّد بما يقال للنواب في قلب تونس وفي الكتل الأخرى من اتهامات باطلة صادرة عن ناس عندهم باتيندة متاع مكافحة الفساد وأحنا شفنا مكافحة الفساد في حكومتهم". وتابع في اشارة لنواب التيار الديمقراطي " نهار كامل يتهمو في الناس بالباطل وما قدّموا شي للشعب التونسي" وأضاف ملمّحا لسامية عبّو "يزّي، اكهو..موش خاطر طردولهم أزواجهم مالحكومة بش نسمحولهم يسمّعونا الكلام ويتهمونا بالباطل ويوجهولنا تهم فارغة". وواصل في نفس السياق "كان جاء فالح راو مالبارح، خاطر الناس هاذوما كانوا بش يهزّوا البلاد للهاوية وبش يخلو فراغ في البلاد وبش يحطو رئيس حكومتهم في الحبس". يذكر ان مجلس نواب الشعب كان صادق خلال الجلسة العامة المنعقدة يوم الاربعاء 7 اكتوبر 2020 على مشروع قرار يتعلق بإقرار إجراءات استثنائيّة للعمل في البرلمان بموافقة 118 نائبا على اثر اجتماع جمع رؤساء الكتل الذين أكّدوا على أهميّة تأمين استمرارية العمل البرلماني في هذه الظّرفية الصحيّة الدقيقة التي تعيشها البلاد نتيجة تفشي وباء كوفيد 19. وكان نواب الكتلة الديمقراطية بالبرلمان، اعتبروا أن جلسة يوم 7 أكتوبر الجاري، "باطلة" وشابتها عملية "تحيل وتزوير" ولا يراد منها سوى تمرير تنقيح المرسوم 116 المتعلّق بمجال الإتصال السمعي البصري".