كتب القيادي بحزب "التحالف الديمقراطي" محمود البارودي باللهجة العامية على جداره الفايسبوكي ما يلي: "بالنسبة لموضوع نسمة وحنّبعل نحبّ نأكد إلّي أحنا ماناش مع مخالفة القانون وماناش ندافعو على حتّى قناة، أما كرّاس الشروط إلّي عملتو ال HAICA فيه شروط مجحفة و صعيب تطبيقها وكان باش تطبّق معظم القنوات باش تسكّر وفي الآخر وقبل 3 أسابيع من الانتخابات باش يكون عنّا مشهد إعلامي ما يعكسش التعدديّة، تصوّروا إليّ يقعد عنّا كان 3 قنوات : الوطنيّة والمتوسّط وTNN وإليّ بالمناسبة بالرغم مع إختلافنا مع خطّهم التحريري فإننا نحييّهم على إلتزامهم بكرّاس الشروط... أحنا متمسكيّن انو كل القنوات التلفزيّة والإذاعيّة توقّع على ميثاق شرف تتعهّد فيه بالمهنيّة والحرفيّة والاستقلاليّة ومن بعد الانتخابات توّة نحلّو ملفّ ال HAICA من جديد..".