الموضوع : طلب توضيحات بعد سماعي لمشاريعك خطر لي بعض التساؤلات تحكي على مثل المعلم و المعلمة الي يخلصوا 1000*2 = 2000 ياخي علاش محكيتش علي يخدم ب 340 و عندو عائلة .؟؟؟؟ و تحكي تقول باش تعمللهم مساكن مساعدة خاطر ياسر عليهم الكراء ياخي ما ريتش الي هو و مرتو ما يوصلوش لل 800 و كاريين و عندهم صغار ؟؟ تحكي على الي باش يدخل جديد عندو شهادة باش يولي ياخو 600 ياخي علاش محكيتش علي يخدم و عندو شهادة و قداه صارلو يخدم موصلش لل 500 ..؟؟ تحكي على نزيدو في الضريبة لالشهارة في القطاع الخاص شبيك متنقصش للي في القطاع العام الي عندو des primes قد شهريتي ناوين تزيدوا في vignette ياخي ماكش تارا في الكياسات ؟؟؟ …….. يا اولادي راهو ما يسيرش هكا و الله لا يسير الي تعملوا فيه راهوا ميزال برشا كلام …………………………… الحاصل يا سيادة رئيس الحكومة راهو الحوار اللي عديتو في التلفزة حقك عديتو في تلفزة موش تونسية خاطر كأنك ماكش تحكي علينا …………………… و راني كتبت بالعامية باش الكل يفهمني الامضاء مواطن متحصل على شهادة و يخدم في في القطاع الخاص في مجال لاعلاقة بشهادتو