في مقهاي الاعتيادي، حيث تعودت أن أحتسي قهوة الصباح، يجلس قبالتي سيدان، كل شيء يدل على أنهما من أصحاب الأعمال. لا شيء يجبرهما على رفع صوتهما، ولكن المقصود أن أسمع: الأول: هل شاهدت "مسرحية" البارحة؟ الثاني: جزءا بسيطا من مداخلة هاك المرا الأولى وبعد بدلت القناة. الأول: ايه جابولهم ناس باش يسخفوهم شوية. الثاني: البلاد باش يدخلوها في حيط. الأول: يقلب صفحات جريدة، شفت تصريح بن سدرين ؟ قالك بن علي كان عادل في توزيع الاستبداد !! ملا منطق !! هذي حقها في الحبس !! ثم ينخفض صوت المحادثة قليلا حتى يكاد يصبح همسا. الأول: هاو واحد من جماعة المرزوقي كان تحب تبلغلو حاجة هههه الثاني: المرزوقي بالذات ماعندي مانبلغلو…. الأول: في الطريق من بيتي إلى باردو، هناك رجل أمن كل ثلاثة أمتار… رجعنا أتعس من قبل ! الثاني: البرلمان؟ الأول: إيه، الشاهد يقلهم كل واحد يضحي شوية وهوما مصححين روسهم. شفت حكاية رفع السر البنكي؟ جاب ربي ماتعداتش !!! الواحد يولي يحرك فرنك يقولولو من أين لك هذا ؟ الثاني: جاب ربي !! الأول: تعرف بالحكاية متاع الضرائب هذي باش يضروني؟ انا توة رسميا متقاعد عاد ، شهريتي وقت خرجت من الوظيفة كانت حوالي ثلاثة الاف دينار !! باش يضروني !! تزيد قهوة أخرى ؟ الثاني: لا يزيني ! يجب أن أذهب، اليوم صلاة الجمعة… فين باش تصلي اليوم ؟؟ الأول: كالعادة، الجامع قرب بيتي!