– نهاركم طيب -خويا رانا مستعجلين – لحظة نبدل دبوسة الغاز يمر وقت والتاكسيست يبحث عن المطاط للقارورة ثم يغلقها ويتركها " تتنفّس " – خويا الدبوسة محلولة وتتنفس -ما تخافوش عادي -عادي ؟؟؟؟؟؟ – ايه عادي نورمال شبيكم خوّافة – ما نرتاحوا من الدباس كان ما تصير كارثة في البلاد – ما يصير شيء كان تهردت تتحرق الكرهبة اكهو وواصل التكسيست البحث عن الاعذار -لا كلو من الحاكم لو يرخصلنا الغاز السائل تو المشكلة توفى وبعد هذا الكل نورمال نستعملو الدبوسة ماناش لاحقين حقنا – هبطني هنا خويا ما عادش متحملة ريحة الغاز التاكسيست يتلكأ والحريفة مرعوبة …هبطني ….هبطني وتنزل الحريفة ويتواصل تسرّب الغاز ويواصل السائق السياقة والضحك …في باب الجبلي نزلنا … خويا يرحم والديك راهو خطر الغاز يتسرب بكثرة … – ههههه قداشكم خوافة ما عادش نركبكم حكاية واقعية ويتواصل مسلسل العبث وربي يقدر الخير من انفجار قد ياتي على اليابس والاخضر … حافظ