يوسف الشاهد تمرد على القيود … ما طبقش الإملاءات … ماخضعش للضغوطات … خلى القصبة مصدر القرار الوحيد لا مونبلزير …لا البحيرة …لا سكرة لا سيدي بوسعيد و لا نهج محمد علي … قالوا السيد هذا فات حدوده … اش معناها ” ولد صغير ” يعمل هذا الكل ! يحارب في الفساد و ما يشاور حد و ما يخاف من حد ! … عملولو استجواب و بعد جمدوه … هو مشى للصين و هوما عملو اجتماع بوزرتو و ضغطو عليهم بش يستقيلو و تطيح الحكومة . لمو تصحاحات و حبوا يعملو عريضة سحب ثقة و ما خلطوش… قعدوا مع النهضة و ما تفاهموش و بعد قامو يهددوا بنهاية التوافق … عملو حملة عليه و على مستشاريه و محيطه و قالوا تخدم بيه النهضة … هو الاستجواب ما ردش عليه … التجميد ما علقش عليه … القواعد انتفضت تساند فيه … النواب اللي مؤمنين بيه عملولو حزام سياسي و اسسوا كتلة قلبت الموازين في البرلمان … عمل تحوير وزاري و مارس صلاحياته كرئيس حكومة رأس السلطة التنفيذية .. حاولوا يأثروا على رئيس الدولة بش يستعمل الفصل 80 و يرفض اداء القسم و لكن الرئيس كان رجل دولة و الوزراء أداو القسم و بداو خدمتهم …الكرتوشة الأخيرة عند اعداء الشاهد اليوم هي استغلال الاتحاد و الإضراب العام …هوما يعرفو الإضراب العام بش يدمر الاقتصاد اما يساندو فيه موش دفاعا على المقدرة الشرائية للمواطن و إنما لاسقاط الشاهد … للاسف معارضي الشاهد ولاو اليوم يستناو في إضراب عام يساندوه و يستناو في عملية ارهابية يتاجرو بيها … المهم الشاهد يطيح …. اما نساو حكمة انو اللي يمشي صحيح عمرو ما يطيح #Go_Djo