تستعدّ الممثلة رانيا القابسي لتقديم برنامج تلفزيونيّ تحت عنوان "حياتك أحلى مع رانيا". ولم تقدّم رانيا ايّ توضيحا بخصوص القناة التي ستتبنّى هذا البرنامج، مكتفية بالكشف عن ملامحه التي اعتبرها البعض تقليدا لبرنامج "هي وبس" الذي تقدّمه الإعلامية رضوى الشربيني على قناة "سي بي سي". وقالت رانيا القابسي على صفحتها الرسمية فيسبوك : "حياتك أحلى برنامج ترفيهي تثقيفي إجتماعي ...فكرة هذا البرنامج تولدت فيا خاطرني تعديت ببرشة مشاكل حلولها أكبر مني و برشة عراقيل و صعوبات تعبتني على صغر سِني نحبكم تشاركوا معايا في صراع الدنيا هذه على خاطر كل واحد فينا و مشكلتو ...نحبكم تتعلموا كيفاش تستغلوا المواقف السلبية و تردوها إيجابية مش كان أنا نحارب بش ننجح و نعيش بلقدا و الحرب هذي نحبكم معايا فيها... نتعلموا مع بعضنا كيفاش نعيشوا أحسن في بلادنا هاذي مادام خطرنا بش نقعدوا فيها... نحب الخير للناس الكل ... حياتي أحلى يعني حياتك أحلى حياة الناس أحلى ...نلوج على الفرحة و الضحكة و تفرهيدة و راحة و المحبة من غير حساب من غير خبث... البرنامج هذا للناس الكل كبار و صغار بش نحاول نفرح كل إنسان بش يشارك معايا و نشالله حياتنا الكل أحلى... و نشالله ربي يسهلي في البرنامج هذا خاطرو أكثر من برنامج عادي بالنسبة ليا تنفيسة جديدة من القلب و يزينا من الدبريم
