أعلنت المسرحية ليلى طوبال اعتزامها التصويت للمرشح قيس سعيد في الدور الثاني للانتخابات الرئاسية الذي سيجرى هذا الأحد 13 أكتوبر . وعددت طوبال في تدوينة على صفحتها الأسباب أو الدوافع التي حددت اختيارها وقالت"أنا مواطنة تونسية وباش نصوّت لقيس سعّيد، أنا مرا حرّة ومتحررّة وقبيحة وزبرطعية وباش نصوّت لقيس سعيّد، أنا مرا البارح واليوم وغدوة شوكة في حلق الخواجية وباش نصوّت لقيس سعيّد، أنا مرا نضرب بالفعل موش بالكلام عالحريات وباش نصوّت لقيس سعيّد، أنا مرا هبطت للشارع وصحت شغل حرية كرامة وطنية وباش نصوت لقيس سعيّد، أنا مرا تسحلت وتهددّت وتشوّهت ... والاعداء والاحباب فرايجيّة ... وباش نصوّت لقيس سعيّد، أنا مرا 30 سنة نخدم جاتني ألف فرصة باش نخرج... ما انجمّتش نفارق الحبيبة ... وما دامني ما زلت في هالبلاد باش نصوّت لقيس سعيّد، انا مرا كاتبة... كل كلمة نقولها تخرج من جواجيا واليوم نكتب ونقول باش نصوّت لقيس سعيّد، أنا مرا كل يوم نحلّ الشبابك ونعنّق بلادي... ونقلّها كان جيت تعرف قدّاش نحبّك وما نرضاش شعرة تتمسّ من ضفايرك وباش نصوّت لقيس سعيّد، أنا مرا ما كسبت شي في حياتي... ما عندي ما نخسر وأغلى ما عندي شرفي... هذاكة علاش باش نصوّت لقيس سعيّد..." وفق قولها.