تورس : عشرين حاجة بيقولها مصري متعرفوهاش عن تونس

وقتاش يرجعوا التوانسة للطقس المعتدل ؟ صدمة للتوانسة: شوف الأسعار اليوم في ''المارشي سونترال'' سمير الوافي يشعلها: ردّ ناري يقلب مواقع التواصل ماتشوات نصف نهائي دوري أبطال أوروبا...وقتاش؟ مكتب الرابطة يضرب بيد من حديد وقرارات تغيّر الترتيب محرز الغنوشي: ''ضعف تدريجي مرتقب في فاعلية التقلبات الجوية اليوم'' جندوبة: تعديل رزنامة 'الباك سبور' بهذه المعاهد خالد هويسة: ''الدارجة صعيبة في الكتيبة''... وكتابي باش يتحوّل لمونودرام! بعد 43 عامًا من الضياع : «إسلام» يكتشف أصلَه الليبي ...تفاصيل مفاجئة أطعمة بسيطة تساهم في بياض الأسنان طبيعيا...و هذه أهمها إنفانتينو: مشاركة إيران''مضمونة'' في كأس العالم 2026 واشنطن تعزز قواتها في الشرق الأوسط وتلوح بضربات محتملة عاجل/ إيران تعلن اعتقال أربعة عملاء مرتبطين بجهاز الموساد.. غرفة التجارة والصناعة لتونس تنظم يوما اعلاميا حول مستجدات قانون المالية لسنة 2026 اطلاق استبيان وطني لدعم وتطوير قطاع زيت الزيتون رابطة أبطال آسيا - عصام الجبالي يساهم في تأهل غامبا أوساكا الياباني إلى النهائي وزارة الخارجية : تونس و رواندا تؤكدان الحرص على تطوير التعاون الثنائي طقس متقلب اليوم: أمطار متفرقة ورياح تصل إلى 60 كلم/س تحذير عاجل من الوزارة: ''القسم التمهيدي'' في الروضات راهو مخالف! ألمانيا تصدر أسلحة للكيان الصهيوني بقيمة 7.8 مليون دولار قيس سعيد: تونس تعتزّ بانتمائها الإفريقي وتتطلّع إلى إرساء نظام إنساني جديد وزير المالية القطري: تداعيات الحرب على إيران ستظهر بعد شهرين مونديال التايكواندو للاواسط والوسطيات - آدم الدجبي يودع منافسات وزن تحت 63 كلغ منذ الدور 64 مفاوضات مرتقبة بين واشنطن وطهران وترمب يتحدث عن لقاء لبناني إسرائيلي أسطول الصمود ينطلق من برشلونة نحو غزة لكسر الحصار رويترز.. الجزائر اشترت مئات آلاف الأطنان من القمح الصلب لتعزيز مخزونها الوطني الشّعر ومحنة الاعتراف ...متى يؤخذ مأخذ الجدّ و يحتل مكانه اللائق؟ قراءة في «أرشيف الرماد» للشاعر سعيف علي الظريف /ج1 السّرد المجنون والطريف ... تهديد إيراني بإغلاق باب المندب وقائد الجيش الباكستاني يصل إلى طهران معرض تونس الدولي للكتاب .. أزمة إدارة أم غياب رؤية؟ دوري ابطال اوروبا.. البيارن وارسنال يطيحان بريال مدريد وسبورتينغ لشبونة عاجل/ اطلاق صفارات الانذار إيذانا بتنفيس سد بني مطير.. تحذير..نداء عاجل من والي بنزرت لمتساكني الجهة.. الانتحار «أمام الكاميرا» خطر جديد يتهدّد الأطفال والمراهقين عاجل/ والي تونس يحذر المواطنين بسبب التقلبات الجوية المنتظرة الليلة وغدا.. مجلس وزاري مضيق يعرض استراتيجية الفلاحة 2026–2030 ورئيسة الحكومة تؤكد على تعزيز الأمن الغذائي والسيادة الغذائية ارتفاع صادرات الصناعات الغذائية التونسية إلى بولونيا: الأرقام ما تأثير المشروبات الغازية على العظام؟ نابل: المعهد التحضيري للدراسات الهندسية بنابل يحتضن تظاهرة "يوم المهندس" في دورتها التاسعة حفل عمرو دياب يثير جدلاً في مصر...علاش ؟ صدمة نفطية: تونس أمام نافذة فرص، مع تمويلات من صندوق النقد الدولي والبنك الدولي في المتناول دقة تحتفل بشهر التراث بالتاريخ والفن والثقافة الاحتفاء بتونس في الدورة الرابعة من معرض الكتاب العربي الكندي من 24 إلى 26 أفريل " سليانة... تنظيم يوم تنشيطي تحت شعار"تراث أجدادنا " احتفاء بشهر التراث تحذير للحوامل.. مواد في منزلك قد تؤثر على تكوين وجه الجنين وتسبب تشوّهات! وزارة الصحّة تنظّم ورشة عمل لتعزيز التنسيق متعدد القطاعات في إطار نهج "صحة واحدة" في لقاء حواري مع طلبة منوبة: الفنان رؤوف بن يغلان يجيب عن سؤال"كيف تكون الجامعة أغورا مسرحية؟" تراجع تدريجي للتضخم في تونس مع تواصل مجهود الدولة لتحسين القدرة الشرائية أسوام مواد البناء شاعلة نار..شوف كيفاش؟ نبيل بوذينة يمزج "الهاوس" بروح أذرية ولمسة عائلية عاجل/ من بينها تونس الكبرى..أمطار طوفانية مرتقبة وخطر الفيضانات يهدد هذه الولايات.. أبطال إفريقيا: الترجي الرياضي يشد الرحال لمواجهة صن داونز البسملة في الصلاة: نقولوها جهراً ولا سرّاً؟ أريانة: إحباط شبكة دولية لترويج 10 ملايين قرص مخدر مونديال 2026: فيفا تكشف عن الرزنامة الرسمية الخاصة بإعداد القائمات وتسريح اللاعبين طقس اليوم: أمطار غزيرة بهذه المناطق مع تساقط البرد يوم مفتوح لتقصي امراض الصوت والحبال الصوتية يوم 18 افريل 2026 بمستشفى الطاهر المعموري بنابل حدث فلكي نادر لن يتكرر قريبا...شنّوة وهل تونس معنية؟

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عشرين حاجة بيقولها مصري متعرفوهاش عن تونس

تونسكوب نشر في تونسكوب يوم 21 - 08 - 2015

كتب نيكولاس يوسف وهو شاب مصري بتونس 20 حاجة "تانية" متعرفوهاش عن تونس...
شفت بوست كاتبه واحد مصرى زار تونس كام مرة و بما إنى فى تونس بقالى أكتر من سنة و التوانسة قالولى عيب عليك إنت عارف أكتر منه فأهو 20 حاجة "تانية" متعرفوهاش عن تونس :
1.كلمة برشا مش أكتر كلمة بحسهم بيقولوها...الأكتر كلمة "صحة"!...خلصت أكل؟ صحة صحة....عملت حاجة باهية (حلوة) لنفسك؟ صحة ليك...عملت حاجة باهية ليهم؟ يعطيك الصحة...خلصت دوش؟ صحة دوش...عومت فى البحر؟ صحة تبحيرة...فطرت فى رمضان؟ صحة فطورك...حلقت شعرك؟ صحة الحجامة (الحلاقة)...و هكذا يعيش الشعب التونسى فى صحة و هناء...
2.غير العضم (البيض) و الهريسة (شطة سايحة) و التن (تونة) إللى فعلا بيعملوا كمية أكلات بمختلف الأسامى كفتاجى و تسطيرة و عجة و لبلابى...كل يوم تقول هجرب أكلة جديدة تطلع نفس الحاجة و اللبلالى ده حكاية زى الكشرى كده...تاخد طبق فاضى و خبزة (عيش) و تقعد حضرتك زى الشاطر تقطع العيش حتت فى الطبق و ترجعه للراجل يحط فوقيه كل ما سبق...لكن فى حاجات دسمة زى كسكسى علوج (خروف) و حوت (سمك) و كمونيه (كبده و لحمة فى صلصة) و حلالم وغيرهامن الأكلات اللطيفة...
3.التوانسة مثقفين فشخ...ثقافة بجد مش قريت الفيل الأزرق و دخلتو سينما...متستغربش لو خرجت معاهم لقيت نفسك بتحضر فيلم وثائقى عن الزعيم الأثيوبى مالالا و رحلته من القاع للقاع إللى فوقيه بشوية...باللغة الأثيوبية!...عادى جدا يقولولك تعالا حفلة موسيقية تكتشف إنها لموسيقى غابات الأمازون فى فصل الخريف لفرقة شلالات نياجرا...ده غير إن المغنيين المصريين إللى بيسمعوهم عمرى ما سمعت عنهم أنا شخصيا...عادى تحضر ندوات عن حقوق المرأة التونسية مع إنى مش عارف هيا عايزة حقوق إيه تاني و عادي تحضر جلسات سياسية معاصرة و هكذا...إنسى يا جاهل Avengers و Amr Diab فى مارينا و إبدأ عهد جديد من الثقافة و سيب نفسك ليهم هما هيتصرفوا!
4.السواقة هنا ليها قواعد بجد...و خدها منى لو هتشترى أو تكرى (تأجر) كرهبة إعرف ده عشان كنت هعمل 4 حوادث موت فى أول أسبوع سواقة...تونسية ركبت معايا و قالتلى (سواقتك خرا) و خرا بنفس المعنى عندنا و عندهم حاجة مش حلوة!...الأولوية دايما لليسار فى الشارع و خصوصا فى الرينبوا (الميدان) يعنى لو داخل ميدان و قريب منه و حد بيلف من بعييييد متخشش بسرعة و تنجز هيجرى و يخبط فيك...برضه الشارع الرئيسي ليه الأولوية لو بتعدى من تقاطع متعديش هيجرى و يلبس فيك برضه!
5.البوليسية (البوليس) و الحاااااكم (البوليس برضه) زى مصر بالزبط...أى مخالفة و غير مخالفة هيتلكك فى أى حوار هيخلص ب10 دينار متكرمشة جوه الباسبور...و لو إنت مصرى دمك خفيف هيخلص بقفشة من فيلم لعادل إمام أو قصيدة لهشام الجخ (فاكر الثقافة؟)...و فى حوار كده إن البنت التونسية ممنوع تركب مع واحد أجنبى عربية و لحد دلوقتى بعد سنة و نص أنا مش عارف ده موجود ولا إفتكاسة...بس كل مرة من المرات ال49 إللى إتمسكت فيهم كان حوار مختلف...
6.البنت التونسية...بس كده دى حكاية لازم تكتشفها لوحدك و عشان أتكلم فيها عايز موسوعة مش بوست...لكن عموما هى من أحلى الموسوعات إللى ممكن تتكتب...
7.لازم تتعلم كلمات فرنساوى أساسية...عيب أوى العساس (البواب) و ال serveur (الجرسون) و غيرهم يسألوك ca va? و تقوم إنت رادد "أحمد من مدينة نصر"...شوف كلمة ca va قولها على طول دى تنفع كويس و شغال و قشطة و كل حاجة فى أى حاجة...حرف ال ر إقلبه غ بداعى و من غير داعى...و أى كلمة إنجليزى إقلبها دلع و غ بدل ال R كده بقت فرنساوى و هتعدى تلات تربع إللى إنت محتاجه و منظرك و هيبتك ك Egyptian عارف كل حاجة متتهزش!
8.كلمات تونسية مستخدمة كتير و معناها...طيارة (فشيحة تحفة رهيبة)...طيارة عالللللخر (أكتر بقى ماللى فاتت)...كهو (بس)...مزيان (أمور و حلو)...تقتل (حلوة أوى)...يبص (يفسى و فى ليها أغنية وريتهالى واحدة و فضلت تضحك 3 ساعات عشان قلت بصيت...مشيها شفت أحسنلك)...حاصيلو (المهم...فاصل بين الجمل و المواضيع)...ماسطة (وحشة)...بليد (رخم و هتتقال كتيييير أوى لكل مصرى هنا)....مستك (بهيم مبيفهمش)...هامل (صايع)...و غيرهم بس أنا إخترت الحلوين منهم أو غالباً إللى إتقالوا عليا
9.فى حاجات مختلفة جامدة تجيبها من الكيوسك (الكشك) بتاع الفواكه الجافة (المكسرات)...هتشرب حاجة جيب Boga cidre حاجة كدة زى شويبس كريم صودا بتاعت زمان على أحلى أو Apla تفاح مش نووورمال (مش عادى) و أخيراً محبوبتى Le Petillante و فى منها كزا طعم أحلاهم Peche خوخ و تفاح أخضر...هتحلى بقى جيب Ligeois باين بتتكتب كده شوكولاتة من تحت و كريمة قشطة من فوق حاجة كدة طياااارة عاللللخر (راجع القاموس)
10.مواعيد الأكل هنا بدرى أوى...الغدا الساعة 12:30 نص النهار و نص و ممكن الساعة 4 تلاقى المطبخ سكر (قفل) عادى...و العشا الساعة 7 مثلا و فى كتير اخرهم 9:30 أو 10 بعدين تاكل تانى يوم و عليك خير...الفطار بيقولوا يلا نعمل "إبتداج" و أنا بقولهم نعمل أومبلاج
لكن عموماً هى متعربة من petit dejeuner إللى هوا الفطار بالإيييييه؟ برافو صحة ليك (راجع)...الغدا بقى إسمه فطور و العشا عادى زى ما هوا
11.التوانسة دايماً فى حاجة ضايعة منهم و بيدوروا عليها...
...من فترة كانوا بيدوروا على البترول و بيسألوا وينو البترول...مش عارق صراحة لقوه ولا لأ بس دلوقتى هما بيدوروا على ال trettoir (الرصيف) و بيسألوا برضه وينو التروتوار...لازم تدور معاهم يمكن تلاقيهم إنت!
12.لو متجوز متجيش تونس لوحدك...و لو متجوزة متخليش جوزك ييجى تونس لوحده رجلك على رجله...أما لو مش متجوز بقى فإتجوز قبل ما تيجى و هات مراتك فى إيدك...أنا قلت أهو...ليه؟ راجع نقطة 6 عشان إللى هيشوف التونسية مش هيعرف يشوف بعدها و غالباً مش هيقدر يسيب تونس بسببها....
13.تونس مشهورة بسوسا و جربا و الحمامات كأماكن سياحية و شواطئ...لكن فى برشااااا أماكن تانية أحلى و فاضية أكتر كمان...زى بنزرت...مهديه...غار الملح سيدي على المكي...كليبيا...توزر...نابل...طبرقة و غيرهم...فضرورى تيجى هنا خصوصا فى الصيف الجو تحفة طول الوقت و لازم تسأل حد تونسي و هيساعدك أوى تشوف و تعرف تونس بجد مش بس الكام حاجة إللى كل الناس متعودة عليهم
14.التوانسة بيحبوا السياح أوى و شعب مضياف لأقصى درجة خصوصا مع المصريين...كفاية إن هنا البلد الوحيدة فالعالم إللى مفيهاش مصريين و هتلاقى توانسة شباب أول مرة يشوفوا مصرى لايف...فمتقلقش من اللغة كله هيفهمك و هيضحك معاك و روحك المعنوية كمصرى هنا بجد هترتفع عشان هتحس إنك حاجة نادرة و جميلة غير أى بلد تانية عارفين الحقيقة المرة إن فى منك كتير و مش حلو أوى على فكرة!
15.تظهر أهمية الفن و الأغانى المصرية هنا لما تعرف إن شعب كامل مأثر فيه عادل إمام و عبد الحليم و إنت محبوب و مفهوم بسبب ده...التوانسة عارفين كل حاجة عن مصر فاستعد لمناقشات سياسية فنية ثقافية عميقة و حاول تفتي زى مانتا أساسا متعود و فى دى بالذات عشان ميبانش إنك إنت أصلاً مش عارف...و للأسف إحنا مش متابعين تونس و أخبارها أوي عشان إحنا زهقنا و مش ملاحقين على البلاوى إللى عندنا بس حاول تعرف حاجات أساسية عشان هتتسإل تعرفوا ايه عن تونس فى مصر و عيب أوى هوا عارف كل ده وانت تقوله برشا برشا يا مدلل!
16.لو فى فكرة وحشة واخدينها عن المصرى فى تونس فلو قربت منهم هيقولولك معروف إن المصرى بياع كلام (مش فاهم منين عرفو المعلومة الغلط تماماً دى) لكن أرجوك كمصرى أخوك حاول تثبت عكس المعلومة دى و بلاش تعك و تأكدها زى ما أنا متأكد إنه هيحصل
17.ممنوع فى تونس تعرس (تتجوز) بإتنين (و طبعا ممنوع تعرس التانية!)...و ممكن مراتك الأولانية تسجنك (راجع نقطة 6 و 12)...و لو إتقاللى الكلام ده و مش صحيح عشان أخاف فأنا مكنتش محتاج دى بس عشان أبقى خايف...أنا خايف مالأول عشان زى ما البنت بتحب أوى أكتر مانتا متخيل بلاش تجرب زعلها و كده كده واحدة فى تونس كفاية أوى مش هتخليك تفكر فى حد غيرها دايماً مزيانة عللللخر...
18.التوانسة مش زى الخليج و باقى الدول العربية فلوسهم كتير...لأ التونسى بيتعب بجد و يخدم (يشتغل) كل الشغلانات و معظم المرتبات قليلة فهتحس إنهم زينا بجد...الحاجة مش غالية و لو عايز تاكل و تشبع ب 2 ولا 3 دينار ممكن زى مصر كده...و فى حملات برضه على الكافيهات الغالية...هتلاقى كل حاجة من القهوة البلدى و الشيشة للكافيه الغالي فحت...أماكن الخروج صعب أوى أقولهم بس Sinbad w Carpe Diem w Golf w Novotel من الأماكن الحلوة غير طبعاً لازم سيدي بو سعيد cafe de delices و لازم كمان فندق سيدي ظريف و المرسى تاكل ice cream من paradice w wick و غيرهم كتير مش هتلحق تشوفهم كلهم
19.التوانسة حافظين أغانى التراث الشعبى صم...إطلع رحلة و أضمنلك 5 ساعات غناء متواصل لأغانى قديمة و كله حافظ...كل ما واحدة تخلص تقول خلاص كده أكيد مفيش تانى...سكوت ثانيتين...واحد يبتدى بكوبليه و كله معاه يرجع تاني بلا توقف...
20.كفاية كده عليكم و لو حد محتاج حاجة يقوللى...زوروا تونس...حبوا تونس...

انقر هنا لقراءة الخبر من مصدره.