بعد ان ذكّرتهم بالوضعية المزرية التي كانوا عليها خلال حكم بن علي ، والمزايا التي تحصلوا عليها بفضل الثورة ، طالبت السيدة نزيهة رجيبة " ام زياد" الإعلاميين بالانتباه الى شهداء وعائلات جرحى الثورة ، وتغطية تحركاتهم لانها لا تنجح الا بتغطية إعلامية قوية ومبدعة على حد قولها. *تعليق ام زياد "من أكثر الناس اللّي دبّروها في ها الثّورة الجريحة هوما الاعلاميّين ووسائل الاعلام اللّي كانو ياكلو في خبزتهم مسارقة و مغموسة في الذّلّ و المسكنة و الاحساس بكونهم شي ما يصلح لحتّى شيء ………الحرّيّة اللّي جاتهم مالسّماء موش رجعتلهم اعتبارهم فقط و حسّستهم بأنّهم كائنات بشريّة عندها كرامة و اعتبار بعدما كانو يرعشو من عبد الوهّاب عبد الله و سطوة L ATCE….لكن أيضا و خاصّة جابتلهم الشّهرة و الوهرة و ردّتهم نجوم يشار اليهم بالبنان كيما يقولو العرب القدم …و جابتلهم كذلك وقبل كلّ ذلك باااارشة فلوس و ردّتهم كي الملاعبيّة الكبار في الميركاتو يتزاحمو عليهم القنوات و الاذاعات صحّحّحّة ….صحّحّحّة …….اللّا بيّة و ان شاء الله بالشّفاء و الهناء ……لكن ما فيها باس يعملو ساعة على ساعة geste بقولو بيه merci للنّاس اللّي كانو سبب في ها الخير اللّي دزّ عليهم أهوكم عائلات شهداء و جرحى الثّورة معتصمين في نهج اليونان و مضربين عن الطّعام للمطالبة بإنصاف أولادهم …وهاذم تحرّكات ما تنجح الّا بتغطية إعلاميّة قويّة و مبدعة و مستمرّة …… بالله برتاجو ها الكلام حتّى يوصللهم فمّاش ما يحشمو على رواحهم ….راهم غلّبو"