في متابعة لجريمة قفصة التي جدّت أواسط الأسبوع بعد أن أقدم شخص على قتل كهل دهسا بسيارة بسبب خلافات عائلية بينهما، كتبت ابنة الضحية تدوينة على صفحتها على موقع «فايسبوك» كشفت من خلالها عن تفاصيل جديدة لما جرى في قفصة: كتبت ابنة المرحوم «الحبيب» الذي تم قتل يوم 14 اوت الحالي بالقصر قفصة تقول: «طول عمري و انا نشوف في ناس تهبط على وفاة ابائها . حقيقة نتأثر اما نقول الموت حق اما ربي يبعدها علينا ياخي تدور الدنيا و نجرب الموت في أبشع تصوراتها مكنتش نعرف الي كي يموت الأب الروح تخرج من البدن والإنسان يبقا عايش على خاطر اخوته و لا لشيء آخر بابا آمس تقتل و تسحل قدام أعين الجيران ومفما حتى واحد حاول يتدخل بابا طاهر جاي من صلاة العصر باش يتعدا ديراكت للموت و شكون الي يقتله يقتله مجرم عايق ذو سوابق عدلية كاري جديد في الحومة. مع اخته وخالته. بابا يدافع على بناته يتضرب و يتعذب يدز عليه بالكرهبة و يمشي بيه قرابة 50 متر على مراى و مسمع الكل و باقي لا من تدخل مايزيش يموت اشنع موتة و زيد نتحرمو من مسانو على خاطر جا مغسل بعد تشريح الطب الشرعي و الله اعلم الحالة الي هو فيها تحت الكفن و الادهى و الأمر انه الملاك متع الدار خال بابا و نبهنا عليه يخرجو من بحذانا مدام مزال جديد اما الله غالب ناس بايعة همتها على زوز فرنك المهم الي يقرا كلامي يدعي لبابا بالرحمة هو من دنيته لجنته . راجل طاهر مصلي متدين اللي يعديه في الجامع اكثر مللي يعديه في دارو الناس الكل تشوت عليه و لآخر نفس فيه اخر كلمة قالها لصاحبه "بناتي" بابا عاش لبناته و مات على بناته تهنى بناتك رجال و باش ياخذو حقهم ثاني و مثلث و الشي هذا فكرنا فيه من قبل و صورنا كل شي ووثقناه بالفيديو على خاطر كنا عارفين الامور مش باش تعدي على خير و يعطي الف صحة للناس الي جتنا و صبرتنا في موته و ان شاء الله متذوقوش الي ذقناه و بإذن الله الإعدام هو حق بابا الغالي