لابد انكم لاحظتم معي انه منذ ان اعلنت الانتخابات حضورها ... وانطلقت حملاتها ... واخرجت «خنارها »...ودارت عجلتها.... نسينا الغلاء والبطالة وتكركير الادارة والخمج في طرقاتنا وشوارعنا وكرذونة السبيطارات ... والدينار الطايح ...والبراكاجات ...والجريمة ...والعنف الوحشي ... والحال المايل ... نسينا كل شيء ...واصبحنا عال العال ...وكل شيء لاباس ...وسبحان من بدل مليمنا بدينار .. فيا سيدي مادامت للانتخابات كل هذه المزايا ...ومادامت هي دواء ناجع ونافع وسحري لكل اوجاعنا ...علينا ان نتمسك بها ونطيل في عمرها اكثر ما يمكن .. .وروسكم ياجماعة لازمتنا حملة نعلن فيها : ماناشمروحين ...وبتطويل الانتخابات متمسكين ...