كتبت ألفة يوسف على صفحتها الاجتماعية : "بوجناح اللي نعرفه مهوش ميشال، هو الدكتو بوجناح طبيب قلب في سوسة وقت اللي اني صغيرة، مشيت له مع بابا هازين جدتي الله يرحمها...صحيح، العهد طوال، اما نتفكر، كيف عندي تو، اللطف متاعه والبشاشة ووسع باله مع جدتي... نتذكر اللي هي ما كانت تحب تمشي كان ليه هو، لا نهار سمعت بابا والا جدتي يتحدثو على بوجناح بصفته يهودي بمعنى استهجان... في نفس الفترة، كنت نقرا مع زوز بنات يهوديات عسل الدنيا، نلعبو مع بعضنا، نفدلكو مع بعضنا، نخرجو مع بعضنا، وكانت مسالة الدين كيف تنطرح تتطرح بفضول وانفتاح، "ياه، ما تشعلوش نار نهار السبت؟"."ياه، تكحلو في عاشوراء؟" الخ الخ الله يسامح اللي زرع الحقد والكره والبغض بين التوانسة...