تورس : الكارْ الصفراءْ :زُهرة لمبوبة

المستشار الجبائي يحذر: المهن غير التجارية عندها خصوصيات لازم القانون يحميها عاجل: إغلاق الأنشطة التجارية عند ال 9 مساءً يشعل الجدل في هذه الدولة العربية عاجل: سوم الذهب يرتفع مرة أخرى إيران تبلغ باكستان رفضها خطة أمريكية من 15 بنداً لإنهاء العداء حريق في مستشفى محمد الطاهر المعموري نابل سيدي بوزيد: فعاليات متنوعة في الدورة 27 من مهرجان ربيع الطفل بالمزونة فاجعة تهز هذه الولاية ليلة العيد..تفاصيل صادمة.. امتيازات جبائية لدعم التنقّل الكهربائي وبطاريات الليثيوم: وزارة المالية تكشف وتوضّح.. عاجل/ تحذير: سحب دفعات من حليب الأطفال "أبتاميل".. عاجل: بطل تونس لرفع الأثقال كارم بن هنية يعلن اعتزاله وعرض ألماني ينتظره عاجل: مادة قانونية جديدة تحسم قضية المغرب والسنغال على لقب إفريقي إنهاء مهام هذا المسؤول..#خبر_عاجل عاجل/ من بينهم شفيق جراية: احكام سجنية ثقيلة ضد هؤلاء.. هل تدمر ''moteur ''كرهبتك بصمت؟ اكتشف الأخطاء اليومية وفاة فاليري بيرن نجمة فيلم سوبر مان الترجي الجرجيسي: اليوم إستئناف التحضيرات إستعدادا للجديات الوكالة الوطنية للتحكم في الطاقة تنظم دورة تكوينية حول التنقلات الكهربائية بصفاقس من 24 الى 26 مارس 2026 وزير الخارجية يلتقي التوانسة في المانيا...علاش؟ إستعدادا لمواجهة النادي الإفريقي: مستقبل قابس يستقر على هوية مدربه الجديد الوداد الرياضي المغربي يتعاقد مع المدرب الفرنسي باتريس كارتيرون المنتخب الوطني: إنطلاق التحضيرات إستعدادا للوديات معهد الرصد الجوي شبكة يقتني رادارات جديدة لمتابعة العواصف م..قتل سبعة من الجيش العراقي بقصف جوي استهدف قاعدة عسكرية في الأنبار رئيس وزراء إسبانيا: حرب الشرق الأوسط "أسوأ بكثير" من غزو العراق عاجل: هاندا أرتشيل وحبيبها السابق في دائرة التحقيق بقضية مخدرات سفارة الجمهورية التونسية بالقاهرة تنظم عرضا للفيلم التونسي " وراء الجبل" يوم 26 مارس 2026 بالمعهد الفرنسي بالمنيرة عاجل: دولة عربية ''سوم'' الطماطم فيها يرتفع بشكل مُلفت عاجل/ ملامح زيادة الأجور لعام 2026: النسبة والتطبيق قد يؤجل لهذا الموعد.. فرص لكل التلامذة التوانسة :كل ما تحب تعرفوا على المنصة المجانية صغارك في خطر... ملابس الموضة السريعة ممكن تسبب التوحد ومشاكل نمو فتح بحث تحقيقي إثر العثور على جثة عون بلدي مشنوقاً بباب العسل مواعيد تهّم التوانسة : الشهرية وقتاش ووأقرب jour férié وزارة الأسرة تحتفي بالعيد الوطني للطفولة تحت شعار "أطفال آمنون في الفضاء الرقمي ... مسؤوليّة مشتركة" وزارة التجارة تعلن تلقي 342 شكاية خلال شهر رمضان..وهذه التفاصيل.. سينر يقلب الطاولة على ميكيلسن ويواصل كتابة التاريخ عاجل/ بعد اصدار أوامر بنشر 2000 عنصر- ممثل خامنئي يتوعد الجنود الأمريكيين: "اقتربوا".. رحيل مخرج مصري معروف تحسن في الوضع الجوي اليوم.. خطير/ تعرض المترو 5 و6 الى حادثتي تهشيم واعتداء على الركاب..#خبر_عاجل عاجل/ طائرات مسيرة تستهدف مطار الكويت ونشوب حريق.. 75% من الأدوية في تونس تُصنّع محليًا تونس تحتضن اللقاء العلمي الأول حول العلوم العصبية والطب الفيزيائي يوم 27 مارس 2026 عاجل : حكم بحبس شقيق شيرين عبد الوهاب 6 أشهر محمد صلاح يعلن رحيله عن ليرفربول بنهاية الموسم الحالي عاجل: فيضانات محلية مرتقبة في عدة دول خليجية الهيئة الإدارية الوطنية للاتحاد تختار نور الدين الطبوبي رئيساً وناطقاً رسمياً للمؤتمر هل تساعد القهوة على خسارة الوزن؟ التوقيت يصنع الفرق طقس اليوم.. ارتفاع طفيف في درجات الحرارة طهران تبلغ واشنطن بعدم رغبتها في استئناف المفاوضات مع ويتكوف وكوشنر وتفضل التعامل مع نائب الرئيس 6 اشهر سجنا لشقيق شيرين عبد الوهاب بتهمة التعدي عليها رقم معاملات قطاع الاتصالات في تونس يتجاوز 4.1 مليار دينار خلال 2025 عاجل/ بشرى للتونسيين..مخزون السدود يتجاوز ال50 بالمائة.. وهذه التفاصيل.. مدينة الثقافة تحتفي باليوم العالمي للمسرح الدورة الاولى لمعرض الورود والازهار من 26 الى 28 مارس 2026 بمنطقة بوترفس من معتمدية طبرقة في مشهد سماوي بديع.. القمر يقترن بالثريا الليلة عاجل/ هذا موعد عيد الاضحى فلكيا.. هل صحيح اللي ''العرس'' في شوال مكروه؟ حديث بمناسبة ...عيد الفطر في تونس سنة 1909

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الكارْ الصفراءْ :زُهرة لمبوبة

التونسية نشر في التونسية يوم 08 - 02 - 2015

بقلم: الناصر السعيدي
التونسية (تونس)
حافلة جديدة بأتم معنى الكلمة يبدو ان شركة النقل دعمت بها أسطولها و هو يكابد عناء التنقل بين العاصمة و ضواحيها الى حد أطرافها البعيدة ... هذه الحافلة بالذات تجد نفسها يوميا في قلب البلاد العربي بين باب الخضراء و باب سويقة و باب سعدون من جهة نهج الباشا و نهج باب بنات ثم القصبة المؤدية حتما الى جامع الزيتونة و اسواق المدينة العتيقة.
آه كار دلولة...خفيفة و مزيانة..الله يرحمك يا العكري.
لا عادة صحوبة...هذي نوعها volvo ..ألمانية حديد في حديد.
تي الكلّو هو...اولمبيك مرسيليا و الا بيارن مونيخ.
لا عادة قول ...هو بلاتيني ...هو جارد مولر.
المفيد واحد يهبط للبلاد العربي مرتاح خير من كار قديمة تهز فيك و تنفض كيف التركتور.
كي تشوف الراحة منين...كيف نركب فيها يطيْروهالي أولاد و بنات اللّيسيات.
يا ولدي أعمل لا عين رات و لا وذن سمعت.
و بما أن صاحبنا له مع الغشاشر من جيل توّة فقد التفت مباشرة الى طفل يقابله قد انشغل بالنقر على لوحة رقمية:
بربي وليدي..عاجباتك ها الحجامة متاعك كيف الحمار الوحشي؟
ها ها ها...حاج هذيك تقليعة متاع coq يحبلك باش تفهمها.
نعم...شوفو ها العصيفير آش يطلع منو...كيف كنا صغار الواحد يمشي للحجام في بطحة الحلفاوين...تكسيلة و تعريكة و زيد طرف قوارص ريحتها بالياسمين و مشطة فريزو على ليمين و يطلع الواحد يتمشى دبة دبة كيف عبد الحليم يتمشى في شارع النيل .
اقتربت مجموعة من التلاميذ و يبدو انه اعتادوا على دغدغته و الحديث معه و سأله أحدهم:
بربّي حاج ...مع الفريزو بالحق كانو رجال قبل يحجمو حجامة الطّاصة...ها ها ها
طاصة...ها ها ها...يراهي قباعتك فرطاصة...هذيكة حجامة لربعين يا مرحوم الوالدين.
آه حاجة باهية ...و بعد تخرجو تتفسحو في البلفيدير باش تتفرجو على عمك الفيل و سيدك الصّيد بوقلادة.
يا ناري عليك...كلمو صحيبي و فهمو خليني أنا ساكت.
تجاوب معه جليسه و التفت الى لولاد قائلا:
يا ناري عليكم...قعدة في قهوة باب سويقة نسمعو تقتوقات أم كلثوم مع قهوة عربي بالزهر و الا واحد يدخل للكافيشانطة يتفرج على شافية رشدي و صافية شامية و معاهم زينة و عزيزة.
زيد قلو و فهمو...و احكيلو على صليحة و سيدي علي و زهرة لمبوبة.
ها ها ها حاج ... لمبوبة بالمصمار و الا بالفيلتاج.
يزّي بلا تلغبيب... اياماتنا كانت في سيدي بوسعيد و كراكة حلق الواد و حمام الأنف بلاد ولد الباي...و الا واحد في النهار يمشي يتفرج على عرك لكباش في رحبة لغنم.
بربي عمي...نحب نفهم...ياخي يتعاركو تايكواندو و الا كاراتي؟
لا... يتعاركو عرك طبابلية...في بالكم عرك متاعكم بالدود...الي ينفخ عليكم يهزو الريح و يمشي يبكي ..papa. ....mamma.
لا حاج ...عادة هذا عرك فينو ومتاع وقت توة ماغير تعضريط و بونية.
آه ..الله يرحمك يا علي شورّب...البونية متاعو كانت اطيّح حيط.
ها ها ها...حاج هذاكة علاش حيوط البلاد العربي كلها طايحة.
لا هذيكة طايحة من عوج الدنيا و من البركة الي مشات معاكم.
تكلمت بنّوتة بكل فيناس و هدوء كانت تتابع الحديث:
بابا عزيزي ..عادة أحنا خرجناكم من الديار العربي للبلاد السوري...شوف المنار و حي النصر و البحيرة.
أوهوه...البنيْ السّوري ماسط لا مطعم و لا روح فيه...بكلّو عالي ..كيف سلوم النصارة...الطول والخسارة.
ودعمتها صديقتها :
وزيد دخلنالكم عوايد جديدة باش واحد ما يبقاش متأخر:
وفي مقعد امامي على يسار سائق الحافلة تكلم شيخ طاعن في السن وهو يتنهد:
آش جبتولنا...البيتزا و الشاباطي و الكراب...واحد كأنو ياكل في بسكوي بفرنك.
شوف بابا الحاج...ياخي الفرنك كان عندو قيمة في وقتكم ؟.
يا ناري عليكم...بجوز صوردي تضرب صحفة صُحْلب و الا صحفة مدمّسْ و تخرج تضربلها حلاّب لاقْمي ...كيفكم انتوما...قهوة ديراكت و الا كراب بالشكلاطة...يطلع الطفل ذابل و الطفلة صفراء كيف القارص.
و زيد قلهم خويا لحنين...على الصباح بكري واحد يشرب كاس كبير زيت زيتونة و في الفطور يضربلها قصعة كسكسي قمح و الا قصعة ملثوث بالراس.
أوه بابا عزيزي ..باش نْرُدْ...تي انا كيف نشمْ ريحة الراس ندوخ.
ها ها ها..ماني قلتلكم قلوبكم ضعيفة...يا ناري على روحي و على تونس وين ماشين بيها.
و الله بابا الحاج نمشيو بيها لكأس العالم 2018.
أوهوه...أحكيها لواحد زكيم...تي في كاس افريقيا مع الوصفان و حرتو خلي يا كاس العالم.
لا عادة وقتها نوكلوهم الريجيم متاعكم قبل الماتشوات ...زيت زيتونة على الصباح و فطور هرقمة متاع بقري و عشاء كسكسي باللبن.
هاك وليدي جيت للصواب.
و قبل كل مقابلة نجيبوهم يعملو دورة في باب سويقة و الا في باب الجديد.
هكاكة عادة يتفرشكو و يتفرهدو و زيد يعملو فيه طاصة ليموناضة و برج كعك و يا لالنّي ...طار و دربوكة و عود يغنّي.
ضحك كل الركاب و تجاوب معهم السائق و كأنه خفضّ في السرعة حتى يطول الوقت مع فئة من الركاب تستغل الحافلة للفذلكة و الضحك و التنبير و الهزل قتلا للتوتر و الستراس.
حاج يرحم والديك توة نحنا هانا نضيعو الوقت في البلاي ستايشن و البيّارْ أميريكان و البيبلينات ...و انتوما قبل آش كنتم عاملين.
آش عاملين...يا طرح ديمينو في القهوة الداخل و الا تخرج البرّة تعمل طريح شيش بيش...و كان تعمل دورة وراء القهوة تحت السّور تلقى الجماعة يلعبو في طرح خربقة عربي.
بربي حاج ...عربي صافي و الا مخلطة بالحمص.
لا عربي في عربي ...لعبة متاع رجال ما هيش لعبة ذراري ببوش بومصة ...جيلكم لا حشمة و لا جعرة...نحنا قبل الواحد كيف يشوف معلم متاعومن بعيد يعمل فرْ و يهرب .
علاش بابا عزيزي خايف لا يشد عليه جدول الضرب .
ها ها ها...و الا يقلو صرفلي فعل«وشى» في الأمر.
لا أنا نقول يطلب منو فلوس الدرس الخصوصي متاع الشهر الّي فات.
يا ناري على روحي كيفاش ولت قيمة المعلم...تي نحنا الواحد يخطب و ياخذ طفلة و ما يشوفها كان ليلة العرس .
ها ها ها...بابا الحاج كيف النوفي ...يا تسعة يا قرعة.
برة وليدي اسأل امك...نساء قبل الحرارة و التعفريت ...الطياب و العولة و القدّة و الحشمة من الفوق..كلمة لا مع راجلها ما ثماش.
شوف بابا عزيزي...أنا نهار آخر كيف ناخذ راجل مرة هو يطيّب و مرة انا نطيّب...كل واحد ودوْرو.
أيّا يزيتش من قلة الحياء توة...و الله العظيم كان يكون راجل الا ما يقصلك لسانك.
ها ها ها...عمي الحاج يقصو بالمقص و الا بالسكينة.
يقصو بالجلم متاع الحشيش باش يحشو فرد مرة.
تدخل أحد الركاب يكاد يسقط من الهزال و قد ارتفعت قامته الى حد سقف الحافلة:
برة عادة ...حكايتكم كيف ...آما قبل ...الدجاجة و الا العضمة ؟
عادة هكاكة توة نسألو بابا الحاج .
آنا عضمة و انا دجاج متاع توة...سوري متاع مكينة لا مطعم و لا بنّة ...وينو الدجاج العربي و الغناء العربي و الخبز العربي و الجبّة العربي و الدار العربي.
و الله بالحق بابا الحاج...يحكيوْ قبل على غناكم يهبل ...بالأمارة معاه القصبة و الطبلة
و الزكرة.
الله يرحمك يا اسماعيل الحطاب و يبرد عظامك .
و زيد معاهم هذيكة الي تشطح... هاك لي اسمها تابع التريسيتي.
آه ...زهرة لمبوبة و ما أدراك.
بابا عزيزي..كيف الستاغ تقص الضوء كيفاش تشعل لمبوبة وقتها .
ها ها ها ...مانا نشعلو شمعة.
فكرة عمي الحاج.. و هي تبدا شمعة بيضة و الا كحلاء .
كحلاء كيف وجهك المشوم .
ها ها ها ..يعيشك بابا الحاج يا قمقوم ْ.

انقر هنا لقراءة الخبر من مصدره.