عبرت الفنانة المسرحية ليلى طوبال عن غضبها من برهان بسيس الذي قال اذا لم ينجح النداء في الانتخابات البلدية فان النهضة ستحكم تونس لمدة مائة سنة قادمة....وكتبت تقول : "برهان بسيّس: "لو انتصرت النهضة سيحكم الاسلاميون لمائة سنة" أوّلا : ما أرخصك... وسامحني سامحني موش مستانسة بالدعاء والرغاء آما راك كثّرلتلها ولذا يعطيك داء على لونك والدعوة مختارة من ألف دعوة على خاطر ما عندكش لون... ضميري مرتاح ندعي على حاجة موش موجودة أصلا... تبريد قلب وبرّه ثانيا: وقتلي إنت تقول إلّي الثورة caméra cachée وتحلف وتتميطر إلّي ما عادش باش نشوفوا وجهك في الاعلام أحنا وقتها طيّحنا النهضة وخرّجناها مالحكم بالمشطة والكفوف... والاّ قلّي واحد كيفك ينجّم ...يكتب التاريخ تحت إمرة أسيادو ثالثا: راو كان ما في بالكش اللوغة هاذي انتهات مدّة الصلحية متاعها على خاطرها تهلكت وعملت Des tonnes de bactéries mortelles راو النداء باع الناس إلّي صوّتولو (إلّي انا موش منهم) وعمل زواج عرفي مع النهضة.. على آشّ كون تكذبوا...؟؟؟ يعطيني شويه من هالرقعة Bordel, mais arrêtez de prendre les enfants de Dieu pour des canards. من هنا ل 6 ماي باش تقتلونا راكم... حلّوا على سمانا"