يمة اخيرا حن محبوبي وياني ...عقب السيول الدامعه في كل ليله يمه لفاني الحين .. بتعود الأماني ... والسعد يبقى وياي لو فترة قليلة مال النخيل لفرحتي وساق الأغاني ... كنه حلم داعب مسافاتي الطويلة الغيم يمه مبتسم يهدي تهاني ...عيدي غدا عيدين ما يوجد مثيله عيني بعينه دمعتي فزت ثواني ...دمعة فرح يمه وما عيني بخيله حاولت ازعل.. اشتكي له.. كنت اعاني .... حاولت لكن بسمته تشفي القتيله باعدت عنه والتفت.. صوته دعاني .... وافشل خطط رتبتها صارت مليله درب العتب ما امشيه لو يقسى زماني .... صعبن عتابه ما ترك لي اي حيله يهمس ويضحك هيه حبج كم كواني .... والبعد انا مغصوب يوم اني اشيله لكن عهودي باقيه اول وثاني ....انتي غرام القلب راحاته ومقيله ما حلت عنج لا ولا ابدل مكاني .... والعشق ذا باقي ونبضاته أصيلة قرب وصدره ضمني واشعل حناني ..... يمه ودمعات اللقاء وايد جميله ولهةالشوق