علمونا إزاي نخاف ويموت معانا حلمنا علمونا إن السكوت أمر جاي من ربنا أخذوا البطل للمعتقل راجع جبان مش زينا حابس جروحه جوا روحه وعينيه بتهرب مننا والنيل بيبكي كل يوم في كل بيت من حينا يمسح دموع المحتاجين والتعبنين والشقيانين من شعبنا قسم رغيف العيش علينا كلنا لملم دموع الأرملة من فوق رصيف وبنت حلوة صغيرة نامت باحضان المزابل تحت كوبري في ليل مخيف والتانية باعت عرضها علشان رغيف وأخويا مات من غير دوا لما حبك وانكوى مابعش أرضه ومات نضيف لأنه كان راجل شريف صوت الأذان ويا الكنيسة كان نغم لو يسألوني تحب حنا وأخوك ملاك طبعا نعم الدين لربك والوطن للمسلمين وللنصارى الطيبين واللي تولد فيك وعشق أرضك ونيلك والسما ويا السنين ياللي أنت تعرف ربنا وتحب دينك زينا حرقت ليه بيت ربنا الشخص ده مش مننا ومنعرفوش لما كان المسلمين يصلو فرض لربنا في أرض الميدان مين اللي كان يحمي ظهور المسملمين التتر ولا المجوس والتركمان ولا اليهود والأمريكان اللي كان يحمي ظهور المسلمين النصارى الطيبين لما كان الشيخ بيرفع إيده الشمال ويا اليمين كان المسيحي يقول أمين ويا شيخ المسلمين أنتو مين أنتو شلة فاسدين انتو شلة حاقدين انتو ليكو الف وش والف عين انتو ليكو الف ملة والف دين انتو اللي خنتو المصطفى وبعتو الحسين انتو مين ربي قالوكلامه حق ومنطقه عين اليقين ادخلوها امنين مصر الحبيبة الطيبة دمعة عينيها قريبة تلاتين سنة متغربة عاشت معانا في حلمنا وفي دمنا شالت كتير من همنا خافت علينا كلنا وحببتنا في بعضنا كتبت على جبين الهرم إن التسامح شرعنا شعر محمد الخولي