هذه تساؤلات للشعب المصرى قبل توجهه للإنتخابات البرلمانية المزورة قبل أن تبدأ وصلتنى من الأخ حسام منادى أضعها كما هى دون تعليق عزيزى المواطن .. عامل ايه طمنى عليك ؟ – الواى فاى اللى ركب فى الاتوبيسات سرعته تمام و لا بطئ ؟ – الميه اللى بتشربها من نهر الكونغو احلى والا اللى كانت بتيجى من اثيوبيا ؟ – مرتاح فى الشقه اللى اخدتها من المليون وحده سكنيه والا ضيقه شويه ؟ – اتعالجت بالكفته الحمد لله و الا لسه ف فترة النقاهة ؟ – انبوبة الغاز اللى بتوصلك لغاية البيت بتوصل ف معادها ولا فيه مشكله ؟ – يا ترى اللمبات الموفره وفرت لك ف الفاتورة ولا بقيت بتدفع اكتر ؟ – الاستقرار كدا كويس و الا تحب تاخد شوية استقرار فوق البيعه ؟ – زرعت الفدانيين اللى اخدتهم من الاربعه مليون فدان المستصلحين ايه ؟ – العربيه اللى اخدتها بتشتغل بيها فى سوق العبور و الا سوق الجمعه ؟ – باركت لمبارك وعصابته على البراءه و الا لسه ؟ – زرت قائد الاسطول السادس الامريكى و اخدتله عيش و حلاوه و الا لسه؟ – جربت الفرخه ام 75 قرش ولا مش بتحب الا اللحمة ام جنيه ؟ – مستريح فى ركوب التاكسى الطائر و الا نخليها سفينة فضاء احسن ؟ – هتنزل تنتخب اللى انت عاوزه فى الانتخابات البرلمانيه و الا لسه ؟ نسيت اسالك قبل كل ده – ضميرك مرتاح باعتقال وموت زهرة شباب البلد وحرق قلوب امهاتهم ؟