يا جماعة تعرفوشي الي صفاقس الاولى في دفع الضرائب …باهي تعرفوشي زادة إلي صفاقس الأولى في تطبيق القانون …وتعرفوشي زادة صفاقس الأولى في التهميشْ واللامبالاة وخلّي هكاكة والصفاقسية عندهم وسيبهم يدّبروا روسهم ….أما الأدهى والأمرّ أن رجال صفاقس ما هوماشْ متفاهمين وما هوماشْ متعاونين ينطبق عليهم المثال الأخوة الأعداء ؟؟؟ تعرفوا علاشْ على خاطرْ كي يطيحْ منهم واحدْ يشمتوا فيه ويكملّوا يغرقوهْ عكس السواحلية يد واحدة حتى يبدى واحد منهم غالط ياقفوا معاه ويخرجوه من الازمة إلي هو فيها … صفاقس كيف لحمة الكرومه متاكلا مذمومة …يحبُوها على خاطرْ ميزابْ متاع فلُوسْ وضرائبْ وبروسياتْ ومصبّْ متاع نزوحْ ومشاكلْ وتلوث …أما مذمومة على خاطر ناسها خدامة وينطروا الفرنكْ ..وإذا حبُوا يفرحوا بواحد من رجالها ساهل برشة رودراسُمون فيسكالْ .. درجينْ ويعلّق الفلسة وإلا قضية ديوانية وإرميهْ الداخل وإستنْ وطولْ يا ليلْ وإسهرْ يا عينْ أما إذا كانت قضية للذبانة والوشواشة لحظات ويخرجْ صحْ سالمْ …آه منكْ يا سفاڤسْ ….