ملا سي يوسف وملا هو ….ظاهرلي جانا متحزم وحالف الف يمين يجعل من عام 2017 للتوانسة عام ميزرية وفقر وجباية …السيد يحب يوقف ويجمد ويقلص الزيادات …يا سي يوسف والله خايفين من " سبع عجاف " عجاف على التونسي الزوالي الفقير والي نهار الكل يدّو في جيبو يعاون في الدولة ..في خزينة الدولة …بالله فكهم شويّة ودور للعباد الي تملك المليارات والي يقول ما نعرفش ثروتي قداش …دور للي قال مستعدين نشريو نزل تونس الكل …هاكم فيهم ما يتمشمش اما الزوالي وراس الحنينة جلدة على عظم ما عاد فيه شيء …بن على مصلو دمو والي جاو بعدو كملو عليه ….معناه انت تسلب في ميّت في جثة …هاك هو المواطن التونسي اليوم يا سي الشاهد …بالحرام ما عاد فيه ما يتمشمش …برّ دور بالجماعة الي ما يشبعوش والي يلمدوا في المليارات وسيب التونسي الفقير وخليه ياكل ربيع خبزة بزيت الحاكم