بعد ما تفكتلي الموطور الي أصلا عندها مام با نهار ماللي خرجتها من مستودع الحجز و بعد مع حكيت مع البوليس و قتلو مازلت كيف خرجتها و مديتلو توصيل و بعد ما طلبت منو بكل أدب أنو يخلي سبيلي بحكم هاكي الكسيبة نقرى عليها و نتحرك بيها شد الصحيح و عاودو رجعوها لمستودع الحجز مرة أخرى .. مشيت اليوم الصباح للإقليم باش ناخذ ورقة و نخرجها طلب عليا عون الأمن عشرين دينار خطية و باش نخلصها في المركز ( مع العلم نعرف أنو الخطية تخلص في القباضة ) قلت برا ميسالش بالك عملو قانون جديد و أنا ما فيباليش . مديت عشرين دينار و عطاني توصيل قلي برا تو خرج بيه الموطور متاعك و إذا بيا نتفاجأ أنو التوصيل كان مجرد ورقة مكتوب عليها توصيل تبرع لفائدة الرياضة ولا شنو .. ما فهتش أنا ياخي هذا لعب ولا تحيل على ميزانية الدولة ولا شنوا الحكاية ؟ يعني هذي كفاءات تخدم فينا ولا حلولنا صندوق تبرع 26/26 مرة أخرى.. بالك نطبع فيها أنا الفلوس باس نقعد نخلص و هوما يفكو و أنا نخلص حتى كان جيت نخلص لخزينة الدولة.