من مواطن مقهور إلى نورالدين البحيري : سيدي المواطن فد وروحو طلعت من كثرة المصروف وإنت جاي تقوللنا راكم ما فهمتوش قانون المالية .. القانون هذا مفهوم ومفهوم ياسر إتاوة يدفعها المواطن باش يعبى خزينة الدولة مما يعني باش تلقى باش تخلص الموظفين يا سيدى ما لقيتو كان المواطن تسلبوه ؟ مايزيش من إرتفاع الأسعار وغلو المعيشة باش تكملو تقضيو علينا بالإتاوة ؟ شوفو مصادر أخرى للتمويل … رجعوا فلوسنا إلى تنهبت وسرقوها ومازالت للآن تتسرق … جيبولنا الحقيقة حول الثروات النفطية والمافيا إلى تتصرف فيها .. خوذوا الجباية من عند الأغنياء وسيبو المواطن يرتاح شوية … دوروا دولاب الدولة بحنكة وحكمة تو تتحل مشاكلكم الكل وإلا ما لقيتو كان الزوالي تاخذو فيه باي ؟ الجباية يا سي نورالدين هي السبب في عديد الثورات وإلى شفناه اليوم يؤكد إن التونسي ماعادش يتحمل وقلبو تعبى وجيبو فرغ .. هذي رسالة بسيطة من مواطن مقهور نتمنى باش تفهمها والسلام