يعاني متساكنو طريق السلطينية بصفاقس من مشاكل عديدة أبرزها على الاطلاق تجمعّ كميات كبيرة من مياه الأمطار على مستوى سبخة الحجام في الكيلومتر الخامس ورغم معاينة الوالي مؤخرا للوضع المزري لحالة هذا الحيّ الا أن الحلول لم تتخذّ بعد بصفة جدية مما حدى بمتساكني هذا الحي الشعبي الى اغلاق الطريق مساء الاثنين 12 مارس وتعطيل حركة المرور هناك ويروي السيد هيكل وهو أحد متساكني المنطقة معاناة السكان مع تهاطل الأمطار وننقل لكم رسالته لموقع الصحفيين كما وردت علينا لأنها تعكس حجم المعاناة هناك السلام عليكم انا نحب نقللكم معاناة القاطنين بطريق السلطنية كلم 4.5 سبخة الحجام الماء شبع في ديارنا لازمك وقت تخرج للخدمة متلقا منين تتعدا الماء في الطريق يغطي النصف عجلات متاع سيارة يوم السبت 10 مارس جاء السيد الوالي مشكور لسبخة الحجام وعاين وبتبيعة الحماية والجيش وديوان التطهير مشكورين قاموا بالواجب متعهم لكن وقت لي مشاء الوالي مشوا معها حسيت فما برشا تقصير والماء عمل بعميلوا في ديارنا وكان جاء فما تنسيق بين الادارت راهو عمرو الماء ميدخل لديارنا وكان جاو يحبو يخدمو ويخافوا على المواطن راهو المضخات متع ديوان التطهير راهي قعادة تضخ في الماء وتهز تتخلص منو في القنال اما مضخات التطهير يجيوا مرتين في النهار والعباد يعلم ربي بحلها وكان خلو المضخات الي في الشاحنة تخدم ويخلوها تخدم راهو عمرو الماء مايدخل لديارنا اما كل ادارة تجبد روحها البارح كلمت الحماية قلي برنامجكم في لليل عباد في وسط الماء ودبشها مبلولة والسيد يقلي برنامجكم الليلة نتمنى انو الوالي يرجع لسبخة الحجام خلي الحماية والجيش يرجعوا وديوان التطهير خلي يفيق على روحو وحاجة اخرى عندنا محل معد للخراطة النشع خرجلوا من تحت الارض ومسكين عامل مضخة صغيرة يفرغ في الماء