نشر الفنان التونسي شمس الدين باشا، صباح اليوم الثلاثاء 4 أوت 2020، صورة إمرأة كان لها فضلا كبيرا عليه. وقال شمس الدين باشا، ان هذه المرأة توفّيت ليلة امس، داعيا الى الترحّم عليها. وقال في تدوينة على حسابه الرسمي "فيسبوك" : "هاالمرا هذى مرت عم الصادق الكومانجي إلّي علّمني أُصول المهنة و كفاش نقعد متربّع علي عرش السهريات و الأفراح و علمني الثقة في النفس و كان ديما يقلّي عز نفسك تصيبها و غني بصدق و أعرق علي فلوسك تو ربي يباركلك و رد بالك تتكبر عالناس خاطر هوما إلّي يطلعوك و هوما زادا يهبطوك و زرع فِيّا كل ماهو جميل في ميدان الغناء و كان ديما حريص علي أناقتي و عاشرت هالعيلة الجميلة أكثر من أربع سنوات حتي اشتدّ عودي و خرجتلهم للدومان كالغولة ههه.... نحبكم تترحمولي علي روحها الطاهرة الزكيّة... كانت على طول مبتسمة و تحبني و تعطيني كسكروت كيولادها الكل كي نمشيو نخدمو وقتها كان عمري 17 سنة... كانت في مقام أمي و ديما تسئل عليا حاسبتني كولدها...بالله اترحمو عليها توفاة البارح و يا رب إني إستودعتك روحها الطاهرة فأجعلها في جنة الخلد آمين".