حذّر الدكتور ذاكر الأهيذب من انفجار الوضع الصحي في ولاية صفاقس نتيجة ارتفاع عد الإصابات والوفيات بفيروس كورونا داعيا إلى اتخاذ إجراءات استثنائية. ودوّن الدكتور الأهيذب على صفحته"براس والديكم الحكومة واللجان الكل بعد ما ترجعوا تخدموا خذوا قرارات في صفاقس...ثلاثة أسابيع بالضبط بعد أزمة الغاز، انفجار وبائي في ثاني أكبر مدينة تونسية وعاصمتها الاقتصادية. شكون يتحمل المسؤولية ؟؟؟ باهي موش مشكل ماحاجتناش بشكون السبب حسيبو ربي ، أما أعملوا قرارات ، أعملوا اجتماعات في العطل والمناسبات ويوم الأحد." وتابع قائلا"غدوة باش يرجعوا المدارس والجامعات في صفاقس أم لا؟؟؟ وغدوة كيف يرجعوا الجامعات للتدريس ويتنقل الطلبة من بقية الولايات الي صفاقس وتجيهم بعد أسبوع وتقول ايقاف التدريس، باش يرجعوا إلى ولاياتهم لنشر الفيروس. غدوة طاقة الاستيعاب للمستشفيات حاضرة أم لا ؟؟؟ عندكم الكمية اللازمة من التحاليل وطاقة استيعاب مخابر وإلا لا ؟؟؟ الحالات المؤكدة باش تخليها في البيت وإلا باش تحطها في الحجر الصحي وفي اي مكان ؟؟؟ نظريا التنقل بين الولايات ممنوع باش اطبقوه على ولاية صفاقس ام لا ؟؟؟" ودعا"بلدية صفاقس اعملوا اجراءات اما براس والديكم لا تعملوا تعقيم للشوارع والإدارات راهي ما عندها حتى تفسير علمي وخسارة الفلوس بلاش فائدة ( الفلوس وزعوا بيهم كمامات مجانبة على المواطنين)."