* معزّ بالغربية وهدى بن عمر وسمير الوافي ولطفي بندقة يغادرون قناة حنبعل: يظهرلي سي العربي نصرة يلزمو يشري إيكيب كاملة وباش تولي عندنا «مركاتو» تلفزية كلّ عام بعد رمضان رقم قياسي * موش صحيح.. السيد بوش خدّام.. خذا 418 يوم من 2001 معناها 56 في العام والتونسي عندو شهر كونجي متاع الحاكم وشهرين Congé de Maladie و6 أيام عطل إستثنائية و3 شهور Seance unique وتقريبا 13 يوم أعياد وطنية ودينية معناها التونسي ياخو في 141 يوم كونجي في العام بخلاف الفصعات علاش تظلموا في الراجل وتضلموا في التوانسة (ما حسبناش كونيجات التربية والتعليم). فتوى * فتوى بإهدار دم ميكي ماوس: مازال الخير القدّام غدوة تجيكم فتوى بتكفير توم وجيري ونقار الزهواني وبيشة وفرهود وتان تان «تعيش المهبلة في روس المجانين». (الفنان والدولار) * منية الورتاني: الممثل التونسي قادر على فرض ذاته بالخارج: حنّانتي.. الممثل التونسي في الدّاخل مهضوم على خاطر يقبض بالدينار وفي الخارج يفرض ذاتو على خاطر يقبض بالأورو والدولار.. موش دمّار..؟ للتعليق على هذا الموضوع: