قال اليوم رئيس الحكومة يوسف الشاهد "انا رجل ديمقراطي، ومانيش باش نعلق على حكم القاضي في قضية مقتل لطفي نقض". وأضاف في كلمة ألقاها بمجلس نواب الشعب على هامش الانطلاق في مناقشة مشروع ميزانية الحكومة: "ولكن نحب نقول الشهيد لطفي نقض، ماهوش شهيد نداء تونس فقط، لطفي نقض هو شهيد تونس والتوانسة الكل" وفي ما يهمّ بعودة ظهور رابطات حماية الثورة، قال: "والناس اللي استعملت العنف، اللي في مرحلة صعيبة من تاريخ بلادنا هددت الانتقال الديمقراطي والسلم الاهلي والوحدة الوطنية، وتصورت اللي هي تنجم تولي ميليشيات منظمة. العصابات هذي يلزم تعرف اللي هذا زمن مر ومضى، والعودة ليه مجرد اوهام في روسهم. واحنا باش ناقفولها بالمرصاد. وباش نطبقو عليها القانون بكل صرامة. ونحب نقول زادة، اللي احنا ماناش باش نسمحولحتى حد باش يعاود يقسم التوانسة، ويبث خطابات الكره والخوف. اليوم تونس ما هيش في حاجة لاعلانات حرب من أي كان، تونس محتاجة للناس اللي يحبوها ويمنو بالديمقراطية وبمدنية الدولة وعلوية الدستور."