توجه الاعلامي زياد الهاني بسؤالين افتراضيين عبر حسابه الفايسبوكي إلى الهاشمي الحامدي رئيس حزب "تيّار المحبّة" والمترشح لسباق الانتخابات الرئاسية فكتب متسائلا باللهجة العامية ما يلي: "بالله عندي زوز أسئلة للمرشح الهاشمي الحامدي ماذابيّ واحد من الزملاء ولاّ الزميلات يسئلهملو إذا قابلو: أوّلا: الدكتور الهاشمي سبقلو في قناة تلفزية باش شكر بريطانيا والملكة أليزابات إلّي آواووه وعطاوه الجنسية البريطانية هو وأولادو. وباش خذا الجنسية أقسم يمين الولاء للملكة ولمصالح بريطانيا. باهي ياسر، توّة نحبّو نعرفو إذا ولّى رئيس وجات قدّامو قضية خلاف ما بين الدولة التونسية وبريتيش غاز مثلا، يا لندرا باش يدافع على مصالح تونس ويحنث في الحلفان متاعو بالولاء لمصالح بريطانيا، وإلاّ باش يدافع على مصالح بريطانيا ويخون عهدو كرئيس دولة لتونس!؟ ثانيا: آش كان جواب بن علي ليه وقتلّي طلب منّو باش يعيَنو وزير للإعلام!؟ للتوضيح الهاشمي كي عطاوه جواز السفر متاعو وسمحولو باش يرجع لتونس ويقابل بن علي، أكّد للزميل المحترم ماهر عبد الرحمن إلّي كان يخدم في البي بي سي وقتها، ما يقابل بن علي كان إذا يعيّنو وزير للإعلام!؟".
